مساحة إعلانية
النهاردة صحيت من النوم
على صوت ماما بتزعقلي
قومي إلبسي، يلا إجهزي
عشان جايلنا ضيوف
صحيت من النوم على صوت ماما عاملة قلبان في الشقة
سيبوني أنام شوية، ده أنا نايمة الساعة واحدة
ولقيت ماما بتجري في كل حتة
عايزين مني إيه؟ قلت ١٠٠ مرة لأ
قالتلي عشان خاطري
ده إبن أنكل يسري
الناس هتاكل وشي
إلبسي قومي معلشي
طب إيه يعني ما تشوفيه
عاجباكي القاعدة معايا ليه؟
مش خسرانة حاجة، في حد تاني ولا إيه؟
وبنات كتير يتمنوا يجلهم واحد زيه
وظيفة وشكل ومنصب وده غير مركز أهله
إحترام، إهتمام، ما عرفش بنات
ولغات ومعيد في الجامعة
وتقولي عنده شقة
وأكيد هيجبلك شبكة
مش قادرين يفهموا إن أنا مش موافقة
ليه فاكرين كده بيحبوني؟
بصراحة حاسة كده عايزين يبيعوني
قلت هكمل دراستي
فتقول يا حبيبتي كبرتي
كل صحابك بقوا مخطوبين
ده حتى بنت أختي
قلتلها أتجوز كده إستحالة
حتى لو عنده شقة وهيجبلي غسالة
مشيت وسابتني
وبعدها رجعت قالتلي
الناس جايين يشوفوكي
إلبسي لأقول لأبوكي
النهاردة صحيت من النوم
على صوت ماما بتزعقلي
قومي إلبسي، يلا إجهزي
عشان جايلنا ضيوف
النهاردة صحيت من النوم
على صوت ماما بتزعقلي
قومي إلبسي، يلا إجهزي
عشان جايلنا ضيوف
قلت أقوم ألبس بسرعة عشان مش ناقصة
أتخانق مع بابا وفجأة يقولي مش نازلة
وكلمت كل صحابي وقولتلهم ع اللي بيحصل
قالولي كبري مخك، هي ساعة مش أكتر
فتحت دولابي طلعت البنطلون
فبابا شافني بلبس، قاللي بجد أنا مصدوم
راح نده على ماما قالها شوفي بنتك
قالتلي إلبسي فستان أو حاجة من سنك
شوفيلك حاجة أحلى
خدي بالك وإنتي داخلة
وإنتي بتديله الحاجة الساقعة تقومي واقعة
همم، وإنتي قاعدة إفضلي ساكتة
ها، مش عايزة ولا غلطة
وساعتها الباب خبط فجأة
وكله بيجري في الشقة
لما بابا فتح الباب
طلعوا الناس مع البواب
والجيران من الشباك يتفرجوا وبقينا فرجة
والعريس كان شكله لبخة
عمال يقولي في نكت بايخة
وماما تضحك وأنا ساكتة
وكل شوية أبص لبابا أقوله مش موافقة
قاللي لأ مفيش شغل بعد دراستك
وأكيد وقتك لبيتك، مامته قاعدة بتتنك
طب على إيه؟
عاوزيني أتجوز ليه؟
النهاردة صحيت من النوم
على صوت ماما بتزعقلي
قومي إلبسي، يلا إجهزي
عشان جايلنا ضيوف
النهاردة صحيت من النوم
على صوت ماما بتزعقلي
قومي إلبسي، يلا إجهزي
عشان جايلنا ضيوف
ليه البنت تعيش في كابوس؟
وتدور ع الفلوس
ما كفاية زن عليهم
ليه تكرروا في كلام محفوظ؟
الموضوع محتاج تفكير
وكتير هايلين في التمثيل
لو هيشوفوا كل العرسان
برضه مفيش حاجة بتبان
مش عايزة أصحى من النوم
على صوت ماما بتزعقلي
وتقولي إنجزي ما تتجوزي
إلبسي إعملي معروف
مش عايزة أصحى من النوم
على صوت ماما بتزعقلي
أنا هلبس بس لوحدي
وهتجوز براحتي
اغاني مشابهة
- غدرتيني
- بوكيمون
- لا تحزنوا
- ماما
- حادى بادى وربنا الهادى
- مخاصماك (ريمكس)
- راجعين (مع سيف الصفدي, دانا صلاح, غالية, عفروتو, نوردو, شروف, اخرس, عصام النجار, بلطي, أمير عيد, وسام قطب, دينا الودادي, بطاينة, عمر رمال, اليونج, راندر, فورتكس, سمول إكس, علاء, فؤاد القريتلي, دنيا وائل, زيني, مروان موسى, مروان بابلو & دافن شي)
- يرجع تاني
- يا جبل أحد
- أنا مش بعاكس
التعليقات