كلمات اغنية وديع الصافي – البير

قديشنا صحبة أنا وهالبير عتاق نحنا من زمان كتير

وغماق شو في سرار مطوية بقلوبنا ودموع ومشاوير

أنا وهالبير

قديش صرلي بعرفو شو عمر جيل البيادر والولاد السمر

أيام كان الغمر خلف الغمر موسم صبايا وحب وشحارير

أنا وهالبير

يا بير هالكانت توالفنا بتمرق كأنا ما بتعرفنا

زرعنا سقينا الزرع وقطفنا وبدنا نسرب ما بقى بكير

أنا وهالبير

عوافي يا بو فارس تعبان كتير، دايماً منشوفك حارس ع حفاف البير

خلصت الشغل وما ضل عليِّ ولا جل، مرقت شربت ورح فِل الليله بكير

يا بو فارس شو عملنا لا تسألنا، اسآل اسآل معاولنا بتحكي وبتطير

عم تشتاق الغنيه عالقمريه، مدري الليله السهريه وين بدا تصير

الليلة السهرية، عا بير المية، وحياة عيونك بو فارس بدنا غنية

انتوا عا عيوني، لكن عيفوني، بخاف الملعونه هي مرتي تقوم تجي عليِّ

وك يا بوفارس، وحياتو فارس، ان إجت ام فارس منقلاَّ بعدك صبيه

وحياة عينك وحياة عينك بدنا صوت صغير وبس

غنياتك بجلساتك بتخلي الحجار تحس

وك عيفوني دايقتوني بصير بدي غني عاللس

مش رح نقلع حتى نسمع منك صوت صغير وبس

موال: لمّن شافتني تنهدت من دون حكي ورغرغت بالدمع قصدا تشتكي

واحْمرّ ورد خدودها وبكيت خجل ومن غصتي ما قدرت قلها شو بكي

وضميت واقف وهي كمان وقفت معي رحنا ما قلنا لا رجاع ولا رجعي

وتنيناتنا بهالوقت كنا بلا وعي

عرفنا شو حكيو قلوبنا من التكتكه لا هي حكتني ولا طلع مني حكي

يا ورد كيف تا من الوصال حرمتني وقديش ع دروب الهوى مرجحتني

موتتني تا سمحتلي اقطف قمر من بعد ما مديت ايدي جرحتني