شو صار مدري بحالها شو صار
لا علم من صوبها و لا أخبار
بكتبلها بيعود مكتوبي
مرتجع ما في حدا بالدار
كل ما شفت انسان بستناة
وبوقفو وبحكي انا وياة
تا يوصل المكتوب بترجاة
بيتبسم وبيفوتني محتار ..
وبيعملو جلسات أهل الحي
قال لازم شد حالي شوي
قلتلهن اللي بإيدو مي
مش مثل يلّي في بإيدو نار
يا ريت قلبي بيحملوه شي يوم
كنتو عليّي ما تحطّو اللوم
بضل اتخاصم أنا و النوم
وبغيابها ما بنام ليل نهار
يا غايبة و بالفكر موجوده
عودي كفانا تفرقة عودي
بيكرجو الدمعات ع خدودي
كل ما إسمك ع بالي دار
التعليقات