للضيف مفتوحه منازلنا
عالكون مضويه مشاعلنا
وعيوننا للحب سهرانين
وقلوبنا إلنا ومش إلنا
البحر يروي للسما حكايات
حكايات فيها للهوى آيات
ع صخورنا تتكسّر الموجات
تترك درارها ع سواحلنا
الشمس مهما دارت الأيام
بتفيق خلف جبالنا وبتنام
بتنام ع موسيقة الأنغام
وبتفيق ع رنّة معاولنا
مهما العوازل لوعوا المسكين
جاروا علينا وسهرونا سنين
بالتسامح والوفا واللين
بالحلم منأدب عوازلنا
التعليقات