كلمات اغنية وردة الجزائرية – ياليل

يا ليل يا ليل

يااخر المشوار ياليل

على القلوب دوار ياليل

داير بقمرك ع العيون السهرانين

يااما احلى سهرك بين حبايب فرحانين

يااما امرك ع اللى دايبيين م الحنين

ويجيى فجرك برضه ف الحالتين ياليل

عالم غريب ياليل

امرك عجيب ياليل

ده ياما فيك احباب بيتمنوك تطول

وياما فيك احباب بيتمنوك تزول

تسمع نجومك ضحكه بتهز الوجود

وساعات بتمسح دمعه من فوق الخدود

والكل فيك متدارى بيك والدنيا ليل

ومابين ايديك بيغنوا ليك الليل جميل

وعدتنى والوعد قريب تلم شمل حبيب وحبيب

نسهر معاك بالحب ياليل ويكون لنا ف الفرح نصيب

ده انا وحبيبى مابينا ميعاد من بعد فرقه ونار وبعاد

آن الاوان وياك ياجميل ساعات لوقانا معاك تنعاد

يحكيلى تانى واحكيله

ويقوللى غنى واغنيله