شبيه الما يـْا أعجوبة زمانك في الحلا و الذوق
يااكثر شخص انا آحبه واموت إن غابت أخباره
أبسأل كيف في شخصك وفي وَصفِك جمعت فْروق
شِبَهت الما في كل حاجة وْزينك مْاإنطِفَت ناره ؟!
وِصالك عَذْب وغْيابك على كبدي لِظى وحْروق
يشَتِّت إنتباه فْوادي وْإسمَع أعظم أسراره
في بُعدِك تحضن غْيابك بنات أفكاري ومْن الشوق
أصير أوّل بشر لا من تِوَلَّه يحضِن أفكاره
هواك الواقع الأجمل وْحلْمٍ ما بي منْه آفوق
وْعينك معجزة هالقرن وْحسْنِك صعْب تكراره
يْاصوتٍ لا تِقَهويته مزاج الدنيا حولي يْروق
وْيا حُبٍ لو أعيش ألفين مَرّة برجع أختاره
تِدلّل ياسِمِيَّ الغِنْج وْياإسْم وْ صِفَة وْمنطوق
يا لبَّى لينك وْ زينك يا وَجهٍ آخِر أخباره
شِبَهت المَا في كوكبنا ولكن لو تناظر فوق
فلا لِك في الفضا أشباهٍ إلاّ أجمل أقماره
التعليقات