لك حكاية من الحسن . ما مرت اشباهك ابد
ولا احد يقدر يوصف هالشعور لا احد
وش اقول وطاغي حسنك بان له . بالنجم صورة
وش اقول وهذا اسمك بالسما مكتوب نورة
كل بسمة منك تضوي . وكل خطوة منك غير
كنك البشرى السعيدة . ولا وجه لكل خير
بان صبح وشع نور . وقام يتبختر بعد
واضحكت عالي سمانا . ضحكها مزن ورعد
وش اقول وليل فرحك ما نجاريه ومحال
ليلتك هي مثل قلبك زينها فوق الخيال
هاتي يدك منهو مثلك . تسبق خطاه الهلا
ما رقيتي النجم لكن . كل نجمٍ لك علا
اقبلي وخلي المشاعر تبتديك بلا عدد
انتي ما قبلك جمال وما بعد بعدك احد
ما اقول الا لنورة خطوة قدومك زهر
ما اقول الا لنورة نظرة عيونك شعر
من يشوف انك حياته . ومنهو فيك اليوم حي
هذا هو سلطان وانتي . حب عمره وكل شي
طارت نجومك تعانق طلتك ليل السعد
كنها طيور المحبة جت تحبك للابد
وش اقول وانتي اسمى مهما طول حكينا
يا عروس الغيم منتي بس عروس قلوبنا
هالمسا نكتبه باسمك . يوم في الدنيا جديد
ولجلك انتي بس انتي . نعتبره اليوم عيد
التعليقات