يمكن محدش غيري هيحس الكلام ده
لكن كان لازم يتكتب عشان انا اهدى
اياك تصدق واحدة كلها ولاد أ*
الإختلاف في الإسم و القصص كانت واحدة
لو اللي بقوله عيب
عمايلكوا دي كانت ايه؟
كل الصحاب كانت زي العُملة كلها بوشين
الكدب هيركب أي مواصله لو ملوش رجلين
انت اللي رافض تفهم انك اتضحك عليك
انا طفل اتشاف فريسة بس عشان من غير ابوه
كان قلبي زي الورث عيلتي كلها بياكلوه
وقت اما أبويا سابني كان في ضهري صحاب السوء
أوقات شيطانك بيكون أجدع من أمك و أبوك
خايفين عليا ولا من كلام الناس عليكوا؟
ليه بداية كل رسالة كانت "اصل الناس قالت لي"؟
مش عارفين تحضنوني بس عرفتوا تمدوا ايديكوا
احساس ابن م* مش عايز يفارق صدري
مفيش معالج قادر يكتم الصوت اللي في راسي
"مش هسكت"
من حد كان رياضي لحد بيولع و يباصي
ضاع المستقبل لما فضلت باصص على الماضي
كانت مفجأة لما صحابي طلعوا مش صحابي
كانت مفجأة لما حبيبتي طلعت بنت و*
بقى دي اللي أنا بنضف عشانها دي اللي خوفت المسها؟
تطبيق و شغل و سهر بس عشان أجيب الدبلة
و في الأخر خانتني بحجة إني مش فاضيلها
صعبان عليا الطفل اللي جوايا ده ايه ذنبه؟
مهانش عليا اسيبه يموت ببطئ روحت قاتله
و أديني وصلت لأسوء نسخة ممكن تيجي بعده
لو حد فكر انه يهين مشاعري ه* مشاعره
لو حد فكر انه يعيش عليا دور ضحية
همثل اني مصدق و أبقى بطل المسرحية
مش فاضي أضيع وقتي في إني اسألهم "كان ده ليه؟
عشان في الأخر كله بيجري و يرمي اللوم عليا
و أنا بصراحه؟
كنت أوقات بصدق ده
يزعلوا باروح أطبطب أزعل أنا و الاقي دق
جربت أعاتب ياما بس مكنتش لاقي فرق
ضيعت وقتي بجد كنت أحسن لي أصاحب كلب
- بلاش تقول كلام تندم عليه دلوقتي = اخرس
انت اللي بطل حكم احنا في قاع القاع يا م*
مفيش جمهور هيحبك لو بقيت كويس بكره
هتفضل تعمل Sad عشان خلوك محبوس في اللون ده
مفيش كلام هيغير اي حاجة نام احسن لك
مفيش وحيد هيقدر يوصف مره شعور اللمة
فـ ليه تسأل شيطانك نفسه عن احساس الجنه؟
في حاجات يا صاحبي أحسن لك متحاولش انك تفهمها
مفيش مهدئ قادر انه ينيم راسي حبه
ساعة ما أموت هيبكوا عليا لكن اوعى تصدق
أنا ميت من زمان هما اللي اتأخروا في الدفنه
"انت سليم يا يحيي صدق نفسك"
التعليقات