كانت غريبة تزورني يوم و تفوتني سنة
عيشت اصبر نفسي بـ جُملة" مش هتيجي الا فـ وقتها"
قابلت كتير زيها ، و يمكن كانوا احسن منها
بس ما زلت انا مش عارف" ليه تحديدًا بكتب لها؟
و فضلت وحيد فـ اوضتي و كل حد شافله حد
السبت " قولت : مسيري هنسى ، و عدى حد ، و بعده حد
و انا منسيتش... الدنيا بحر الحزن قرش
كل اللي صونت غيابه جالي و خاني وش لـ وش
الناس بتخون و بجحه ، و دجالين فـ ايدهم سبحة
بيدلوك لو توهت فعلًا بس بيرموا شوك في السكة
خدها كلمة... اللي بيحميك مسيره فـ يوم يؤذيك
و اللي انت دافعت عنه بكرة يجيب العيب عليك
و كإن الفرحة ماشية بـ مبدأ شوق ولا تدوق
بمشي شرق هي تغرب بمشي غرب هي تشرق
و انا مش فارق معايا حد غيري بقيت اناني
ما انا مش هعيش حياتي بدي طاقتي لـ حد تاني
و انا عليا من ده بـ ايه؟
مبقاش لـ قلبي عين يحن ليك و يحن ليه؟
يا اللي انت بعدت خطوة انا هبعد عنك الف ميل
لو في الحالتين غلطان ، يبقى اشوف وشك بخير
طبعي غريب كان صعب غيرها يفهمني
بس اللي اغرب و اغرب تمشي من غير ما تكلمني
والبعد ده علمني أن محدش فوق الشك
هو انتي محبتنيش بجد؟
بفتكرك احزن واضحك و ده اتطراب مشاعر
انا مبقتش استني رجوعنا انا ع البعد معنتش قادر
مشيتي في صمت و مين يرد ع اسألتي
الاغاني دي اللي حيلتي وبتوصفلك قلة حيلتي
ومش جاي ابكتك انا بعملك بمعملتك
اختارت البعد بعد منصيبي رماني في سكتك
القسوه كانت حتتك والمشاعر كانت لعبتك
العتاب كان كلام فاضي ساعتها انا مرضتش اسكتك
تعبت لما سهرت فوقت سكرت الحزن سك
كانت مسألة وقت بين هبطل ولا اقوم اريك
جوا دماغي صوتها رن بجملة مين اللي ساب
متقوليش قفلت الباب وانت ف اعراض انسحاب
و انا عليا من ده بـ ايه؟
مبقاش لـ قلبي عين يحن ليك و يحن ليه؟
يا اللي انت بعدت خطوة انا هبعد عنك الف ميل
لو في الحالتين غلطان ، يبقى اشوف وشك بخير
التعليقات