على عيوني غمامة حزن تمطر هموم
ولا انبتت في خفوقي غير عشب الزهر
والحال هذا لو يطول معاي ويدوم
آخاف يزرع بساتين ويكون نهـر
يا سآارقه من عيون المحب حمدان نوم
الليلة رجع علي النوم ليه السهر
ليه السهر ,, دام قلبي من غلاك محروم
وانا في حبك اذوب وعاشق ومنبهر
العام كنت آستلذ الشوق في كل يوم
واليوم ما غير مره واحده في الشهر
تروم تزعل علي لكن انا ما آروم
لا يمكن آزعلك في سر ولا جهر
جمالك المحتشم خلاك شخص محشوم
وعفافك النادر يزيدك في عيني طور
مثل القمر نور وجهك في الظلام الكتوم
واذا تبسمت مثل الشمس عند الظهر
لو ان عمري مهر قربك انا قبل اصوم
انا اللي بسوم العمر لـ آجلك مهر
لا تصير خصمي انا مانيب آهاب الخصوم
وش لون آهاب البشر وآنا ما اهاب الدهر
الله خلقني على الدنيا حصان عزوم
عسفني محمد المكتوم وآنا مهر
لو النجومية تورث عيال النجوم
من باب حب الظهور الشخص منهم ظهر
الشهرة تغير العالم في وجه العموم
لكن ما غيرت حمدان يوم آشتهر
التعليقات