قلي حبيبي وش اللي كرهك فيني
من بعد ما كنت انا و انت أعز احباب
وش غير احساس قلبك يا نظر عيني
حيرتني فيك ممكن تشرح الأسباب؟
الحب أخذ و عطى بين المحبين
مهما حصل بينهم ما تنقفل الأبواب
لا جيت احاكيك تسكت ما تحاكيني
املى ضميرك علي الواشي الكذاب
وشلون خلاك تكرهني وتجفيني
خلاك تنسى ليالي شوقنا الغلاب
الله يسامحك من غيرك يواسيني؟
لا ضاق حالي و حنّا في الهوى أغراب
الشوق والحب من فرقاك يبكيني
ومشاعري كلها في ثورة استغراب
مازال صوت الهوى والحب يدعيني
صورتك قدام عيني زولها ما غاب
التعليقات