كسر القلوب مش هين و انتا كاسر قلبها
حضنها الدافي الحنين ده مكانش ملكها
كنت انتا الجنة ليها في النار دخلتها وتجيب اللوم عليها وتقول ده ذنبها
مش دي اللي كنت تتمني القرب في يوم منها
مش دي اللي انتا وعدتها انك تكون جنبها
مش دي اللي بعد غزل طويل ملكت قلبها
مش دي أم عيالك إزاي قدرت و سيبتها
أمنتلك و عطتلك كل حاجة من غير تفكير
كانت زي الطفلة معاك وكان قلبها بيطير
لكن كانت كل الوعود كدابة
و عشان طاهرة و بريئة صدقت بكل سذاجة
و ليه بنعذب في اللي شارينا يا ناس و بنقسي عليه
طب ليه بنضحي تملي باللي شايلنا جوه عينيه
داين تدان قلبك يتخان من واحد تاني هيلعب بيه
داين تدان قلبك يتخان من واحد تاني هيلعب بيه
لو كانت أختك قولي كنت هترضي عليها
انها تروح لحد يجرحها ويلعب بيها
انا اختي اشرف من الشرف استحاله ترتبط
لكني ولد هيقولوا عادي ولد وغلط
بعد محاولات كتير وصلت لحيطه سد معاك
الحزن باين في عينيها لكن جواها لسه دي شرياك
والحب اللي اتفتح علي ايدك من أول و جديد
دلوقتي بتكرهه و انتا عايش مع غيرها سعيد
داين تدان يا ابن ادم لو بعد حين
و زي ما قلبها حزن هيجي يوم و تعيش حزين
لو النهاردة مش في اختك بكره هيجي في بنتك
كفاية عنيها بتقول ربنا يجيب لي حقي منك
و ليه بنعذب في اللي شارينا يا ناس و بنقسي عليه
طب ليه بنضحي تملي باللي شايلنا جوه عينيه
داين تدان قلبك يتخان من واحد تاني هيلعب بيه
داين تدان قلبك يتخان من واحد تاني هيلعب بيه
كانت غلطة بجد منها وثقت بزيادة فيك
مكانتش غلطة كانت سذاجة من طفلة بريئة
زي ما بكيت عينيها راح تبكي في يوم عينيك
راح تبكي في يوم عينيك زي مابكيت عليك
التعليقات