شايفك بتمشي
حتي لو راجع فا مش هيفرقلي
عندي الي يكفي
دماغي ومزيكتي
لو مريضه بيا
اتمنالك تخفي
طب شوفتي حقيقتي
عارفه اما بزهق
بمسك القلم بستنزف الفكره
بخرج الماده
ادماني مش مبدأ
كل الناس دي مش عايزالك السنده
وبلاش الكلام ده
سمعت للكل والكل بيقول الحكاوي وبيسخف
مشهد فاشل مش هقفلك واسقف
مهما تقولي عنك صعب اني اصدق
مش عايز مساعده
انا الي عليكو بشفق
انتو مجرد وقت والنهايه هتخش
في حروب اهليه جوا دماغي متدخلش
اتمنالك متشوفش الحالات الي تخض
وفي وقت ما تقول اني خلصت
هتلاقي اشباحي بتظهرلك بتقولك بلاش
عارف ان انت مستني
وصدقني مش جاي وقتك طول ما الحب ببلاش
في ناس بتتتصدق من غير الكلام
في بشر خلتني بلعن في السلام
والي بان...خلاني بشكر الي فضل
واستحمل ..ايام السكوت والثبات
...
سلمي ...ايامي بتعدي وبتسبني
محدش في دماغي كان قادر ينجدني
رجليا بتسندني وعنيا شايفاكو
ومش سامع نحيتكو اصوات بتلاحقني
سلمي .. في حروبي
ومش هفضل في سجني
مش شايف ورايا اشباح بتطاردني
خيالي الواسع خلي الكل بيجيلي
ومحدش في وقت الغارات بينقذني
بمجرد ما بتفضي
هتحسو بالفقر
مش كل انتفاضه
من قلة الصبر
مش كل الي اتحبس
محتاج المفر
والوحده مش دايما
كئابه وقدر
الي عاش غير
الي سمع غير الي اضطر
انو يعيش بالماسك
طول ما يحس بالبشر
الناس دول وباء جوا نفوسنا
عايش جوا الهدنه اتلاشاني اما تبدأ الحرب
شايفكو جثث مش شايفكو م الاصل
علاج الناس دي تاخد منهم المصل
حالات نفسيه مش محتاجه للفحص
زهد ع الوشوش من جواهم القحت
وكالعاده هنرجع للتيمه المعتاده
خرجنا الكئابه وهنرجع نكمل
دماغكو باشت اسلحتكو بتتلم
لسانكو زي دماغكو بطل يتكلم
التعليقات