دوري يا دنيا، دوري فينا، يلي شعّلنا ما بيطفينا
يلي غرّقنا ما بيخفينا، يلي سرقنا ما بيمحينا
يلي هجّرنا ما بينفينا، يلي عطّشنا ما بيروينا
يلي حبسنا ما بيحوينا، يلي ظلمنا ما بيرضينا
دوري يا دنيا، دوري فينا، عراس الصخر، عشط المينا
نص البحر، منا وفينا، وكل القهر جون سينا
كل العمر جون سينا، كل الفقر جون سينا
أوندرتاكر - جون سينا، أوندرتاكر - جون سينا
تخبّط، كمشة أفكار براسي، نشرة أخبار ومآسي،
إحباط وقلق النوم وقلق الفيقة، وناسي إذا ذاكر كيف شكلون ناسي،
بيكسلز (Pixels) من ورا قزازة، بتكرج من عمق الشاشة.
ومن بعد الفاشي ما بينبت تنعيش، كلو عالبخشيش،
كلو بطيع متل حماري، كلو بضيع متل نهاري،
كلو مسرح، بأية مطرح، كلو سارد بهمو وشارد.
الطقس بارد، الطقس شوب،
الطقس عحالو عم يفهم يا دوب.
أخو، ليك، عجبك هيك؟ مين سماه للعرصة بيك؟
مين شاف العسكر لباك؟ مين قال الأزعر مش هيك؟
مين الي سرق عرق جبينك؟ ومين يلي فجرك وحرق دينك؟
مين يلي قتلك؟ مين يلي شردك؟
مين يلي قرطك؟ مين يلي استعبدك؟
مين يلي هجّرك؟ مين يلي بعّدك؟
عادي كتير، تشتاق للموت، عادي كتير يخفت الصوت.
بس ما بعد الضيق إلا الفرج، وما بعد الفرج إلا الضيق،
وما بعد الفجر إلا الديك ونعيد ونعيد، وهلم جرا، مظاليم مجاريح بالقاع، والقمة خرى.
دوري يا دنيا، دوري فينا، يلي شعلنا ما بيطفينا
يلي غرّقنا ما بيخفينا، يلي سرقنا ما بيمحينا
يلي هجّرنا ما بينفينا، يلي عطّشنا ما بيروينا
يلي حبسنا ما بيحوينا، يلي ظلمنا ما بيرضينا
دوري يا دنيا، دوري فينا، عراس الصخر، عشط المينا
نص البحر، منا وفينا، وكل القهر جون سينا
كل العمر جون سينا، كل الفقر جون سينا
أوندرتاكر - جون سينا، أوندرتاكر - جون سينا
قلال الوسائل، كتار الحلول، كبار المسائل وصغار العقول
عالم مش سائل، وصلب المراس، بس غازي وعليAre staying cool
عبث، عبث أخبار عجقة، عرشّ أفكار أفعى بسمها،
عربّ أسعار حامي دمها، آخر همها إذا بتجوع،
آخر همها إذا في دموع، فاتحة تمها وشاقلة كمها،
يا بتهمها يا مبلوع، النوم ممنوع، العمر بيقطع متل الشموع،
اللحم بيهرب من الضلوع، العرض بيسري بكل الفروع،
بكل ربوع هل البلد المفجوع.
من هيلا هيلا ضل الhoe، ومن بيلا تشاو صار Netflix Show،
من صلب العلكة بتركب نكتة، مُهدئ نفسي ضد السكتة،
مُخدّر وقتي بوج الفقسة، محضر حالي للتسونامي،
مهيئ بالي بكل أوهامي، مربط عقلي بكل أحلامي.
بوجه اليأس ركبنا الموج، تركنا الشط تنصير باللوج،
من حامي الحمى بتطل الفيحة، بتمسح كل شي ملا فضيحة،
بيغرق كل شي: بتبقى الريحة، ويلعن كل شي في شبيحة،
نحن قيامة بوجه تسطيحة، نحن sniper عالصنديحة.
دوري يا دنيا، دوري فينا، يلي شعلنا ما بيطفينا
يلي غرقنا ما بيخفينا، يلي سرقنا ما بيمحينا
يلي هجّرنا ما بينفينا، يلي عطّشنا ما بيروينا
يلي حبسنا ما بيحوينا، يلي ظلمنا ما بيرضينا
دوري يا دنيا، دوري فينا، عراس الصخر، عشط المينا
نص البحر، منا وفينا، وكل القهر جون سينا
كل العمر جون سينا، كل الفقر جون سينا
أوندرتاكر - جون سينا، أوندرتاكر - جون سينا
التعليقات