سبب نجاتي إحتمائي بسفينة نوح
من بطن الارض السابعة بلشت رحلة نزوح
مشاكل مع ال
War Lord
هاد المود
قلب حديد من باب كشف المعادن مستحيل يفوت
هاد غير لساني اللي كالسبطانة و شيطاني اللي حماني من ملاكي المرتشي
إنفجار القوافي سيل فلواتي إنتقامي من نصي التاني بضل بلاكي منتشي
روح الفن بلبلد ميتة بغطسها بحوض منتول بقلها إنتعشي
فل تعشِ ضل يناقشني لسمع صوتي
Clubبـ
فل كداعشي
غضبي بينصب بقالب موسيقي بحارب التوتر
أسفي بينكب بطالب صديقي بيتقهقر
إحتجاز الرهائن ما بفيد إذا التوقيت بيتأخر
بعطيكن أحلامي كفدية بس لازم تفرجو عن أفكاري يلي على الدفتر
سولويست لأنو لعنتي بالجماعة هي لطفي
مالي بحاجة
Team
براسي في قبيلة بتكفي
والروح المحبوسة بالليل باراتي الناقصة بدما بتكفي
بكون وقتا بالفضاء عم سكر الثقب الأسود بكفي
حربي التانية مع يلي ما حتتركني لصير منيح
و ما بطيب لتتركني هي
Infinity loop
بالمعنى الصريح
الكذب إلو وجه و الحقيقة إلها وجهين لما بدك
تأنقذ حدا بكذبة و تحاول تحط القانون بصفك
إنجاز الغير تحت الضوء و بالعتمة التعب
إن جاز التفكير في هذه البلد فالموت وجب
سيماهم في جيوبهم فحساب البنك القصد
و المتعة الهدف فالمخدر من السبت للسبت
الكبت الفكري كان سبب إنتاج هاد الجنان
تسلقوا عالثورات أسرع من سبايدر مان
وصارت الشغلة ادمان
Goddamn man
قديش لازم تغامر إن كنت من جواتك فنان
متدرب عقتل كل نسخة سيئة مني
بتتحول لطفل لما تسمع إني عم غني
فلا البشر بتشبهني و لا أنا بعرفك
ولا الحبر بخوني ففيو أنا بغسلك
ليك كل كلمة بقلبا كلمات لما تحللها
متل لكمة بتعمل كدمات لما تاكلها
أحرف شيطانية عم ترقص على راسك كالنوطات
أنفس انسانية عم تسمع تحليلك لهاللحظات
فلف راسك وجسمك بورق كل كتب السحر الاسود
حتف بارز كدرع حتى على الضرب تتعود
يا ملوث شو فائدتك لما توصل لحلمك
و على قد مالو حلو و إلو زمان على الرف دوّد
زود الدراما براسو و حط اللوم على ناسو
تعود يحبس أنفاسو فنفش و زاد مقاسو
حل السجن الصبر اذا كان بغابة و لا بقصر
كب الفن بالبحر إذا كل همك تحس بالفخر
ما بنغني للجمهور و لا بنغني للنظام
ثورة بين هالسطور إغتيال كل الحكام
مافيك تكون شيطان و تحكيلنا عن معنى الخير
مختصر الطائفية ضدنا شر و معنا خير
معاناة الغير منحس فيها بس إذا صارت معنا
و بيحسدونا إذا بشي يوم على العرش تربعنا
بترعبنا عقبات منتخيلها لسا ما صارت
بتبلعنا مخاوف الطفولة حتى لو ما إنعادت
الحياة ما بتوقف عن نكحك بكل الأوضاع
الأمل بدون مجازفات يا مات أو ضاع
إنصياع للقدر بدون ولا شوية إستمتاع
إنفصال عن الواقع و مطالبة بالاستماع
التعليقات