مساحة إعلانية
قوة الجسدد مو مهمة لماتفارقو الروح
الايمان بالوعد بيتحرم لما تفارقو وتروح
عم حاول انجو من الغرق لعين الغريب
انغلاق حضاري مستمر لانو لعين الغريب
عين الغريب بتحكم عليك لما سيرتو تجيب
و اسئلة الحياة لن تتجدد ، ان عليها لم تجيب
اللسان ما بكفي ينطق لازم يوما يصير فصيح
الجلاد ما بيسمع حقك لما توشوش فصير صيح
ماضاع حق وراه طالب المطالب الجاهل
بيضيع الحق لانو بفكر الصح انو يقاتل
شرح الفكرة الناقص عكيف السامع ببنجبر
و الولد يلي ما بتعطيه حب عحبك ما بينجبر
فاذا قبل خطابك بعت البلد ووقعت الصفقة
ما مهم بعد الخطاب اذا من الجمهور ما سمعت صفقة
بستغرب كيف كان سهل عليه انو يعاديني
لانهن عاديني من الكفار لانو فني حيأثر عديني
الضرب بيجيك مو عخط الدفاع
الحرب بتخليك عطول تحط القناع
فرجاع سماع دقات قلبك بلحظة حب
بركي بتتذكر انك عايش و عندك قلب
جاب كلب لانو بدو يهتم بكائن حي
او لانو نسي يهتم بحالو خطي
الطير سايكوباث فرماها و فيا خير
ضيع الفلاينغ باث و معاد عرف عانو اير
يقعد يطلب يخطط و ينفذ احلامو
يجلد يخطف يربط و يفتخر باسلامو
معاد همني من وين تجري الرياح
لاني غرقت السفينة بالسباحة برتاح
فكل هالصياح عالليل ما بطلع الشمس
العيلة كلها تأسست بسبب حبهن للجنس
بأثبت رجولتو بسبب تفاقم عقد النقص
حتى وهو دارس بغش بقلب الفحص
مسافة الامان عم تكبر صارت بطول المجرة
حبتها فكرتنا ما بنحب غيرها ما عندها فكرة
انو الوقت بيمر على الجروح مرور البخلة
السفلة يلي بيعطو الحب بسبب الشفقة
بطلت دور عالنجاح عم جمع الفشل صرت
فشلت لاني مالحقت جمعهن كلهن كنت
مشغول عم حل مشكلة بين اصدقائي الوهميين
كانو ما بيحكوا مع بعض بسبب بنت متخاصمين
فلما احكي عن حالي بصيغة الجمع مو تكبر
هي حقيقة الناس يلي جواتي صارو ذاتي
مفصول عن الواقع فبلمحيط بعيش التصحر
لهيك يمكن كل ما فوت بمصيبة بقول عادي
او يمكن لاني اجبن من اني بلش التغيير
دائما الطريق الصح كان بدو جهد كتير
مو اسهل شي انو يستسلم و يريح رجليه
الاسهل انو يضل ماشي بطريق متعود عليه
كون كالصابون بتعاشر الوسخ و بتضل نضيف
المشاعر بتضل ناقصة فبنضل كابة نضيف
انك شريف مابكفي الحياة لتصير معك عادلة
حتى الكارما اوقات بتختفي بشغلات حاسمة
علنا عامل تاجر فسميه عميل العملة
علما سافل فاجر صفيه مع فيل الغرفة
كل ما واجهو بغلطو بيسكر اذنيه و بيتجاهل
لكما انا عادمو بغرفتو ليبطل يفكر يتفاخر
التعليقات