في حزن وسع المدى
في وجع جوا عميق
لا صوت باقي ولا صدى
ولا مين يكفي الطريق
فضيوا المطارح يازمن
راحوا اللي هون اتجمعوا
رسموا سوى صورة وطن
وأول شرارة ولعوا
هون اللي ع الطاولة صدرون خشب
رسموا لبكرة صباح جديد
رسموا للثورة نشيد الغضب
وراحوا بهالليل هن والنشيد
والصباح ماطل وبعيد ضل بعيد
واختنق صوت النشيد
يارفقاتي اللي انتوا بقيتوا
بخندق بارد مانسيت
عذروني لما غفيتو
معكون أنا ماقدرت غفيت
كل المطارح فضيوا
رفاقي صاروا خيالات
خيالاتون وحدون بقيوا
عم شوفون بهالساحات
بعدو عم يكبر وجعناااااااااااااااااا
وسعو أوسع من هالكون
راحوا اللي كانوا معنا
وأنا بقيت ورفقاتي مش هون مش هون
التعليقات