بعمرك لا تستعجل بقرار يمكن تندم
بطل تحلم، بطل تتحسر عالماضي يمكن تفهم
فكر بالمستقبل وعيش الواقع لتبطل تصدم
يا كون واحد من الخدم, يا قدوة للعدم
ربنا وصانا بالعمل لنوصلل للقمم
ماقلنا تكاسلوا لتعيشوا براحة بين الأمم
شبابنا بالحرام غرقوا وبالدين ضاعوا
جيل جديد للمبادئ والأخلاق أصلاً باعوا
منون للموضة أنصاعوا فعاشوا بعالم وهمي
مبني عالكزب فخبوا اللون الأسود بلون وردي
من برا لابس خمس نجوم ومن جوا حديد مصدي
مابوثق بحدا حتى لو كنت أبن عمي
مراهقين مرضوا بالأكتئاب بسبب أهلون
خليون بالبيت محبوسين هيك منضبون
خبرة بالحياة صفر بفكرون هيك عم يحموا أبنون
ولما يكبر بيسموه عاق لأنو وقف ضدون
أغسل مخك لتعيش بمجتمع متقبل تأهيلك
خلينا أنفكر بثقافة وندفن بقايا جيلي وجيلك
مشاكل الشباب كترت فغلوا سعر العملة
بسبب كتر البطالة صاروا يعاملونا بقسوة
من الفقر عايش الشعب عالخبزة والجبنة
والسيكارة فشة خلق بتقاسمها مع الشلة
صرنا أنحس أنو ما ألنا صلاحية بهالمجتمع
ماعاد نعرف كيف بدنا نهرب من هالوضع
شبعنا قمع وغلاء المهور صارت طمع
والزواج بالحلال بحصة صعبة البلع
ربطوا المشاكل السياسية بشروش الطائفية
ربوا أطفالون عمبدأ العنصرية المخفية
بنص حضارة أوربية تعلموا البرجوازية
فرقوا بيناتنا بعادات وتقاليد دينية
غيروا مبدأ الغلط بكلمة حرية شخصية
كلشي قلتو كان رؤوس أقلام سطحية
الدنية هِيَ هِيَ، كانوا عايشين بمحمية
كبرت حدودها بالتطور فصارت برية
أفتح كتاب واقرأ بلكي بيتغير تفكيرك
أغسل مخك لتعيش بمجتمع متقبل تأهيلك
وترسم حلم أبنك بشهادة يرفع تقديرك
خلينا أنفكر بثقافة وندفن بقايا جيلي وجيلك
أفتح كتاب واقرأ بلكي بيتغير تفكيرك
أغسل مخك لتعيش بمجتمع متقبل تأهيلك
وترسم حلم أبنك بشهادة يرفع تقديرك
خلينا أنفكر بثقافة وندفن بقايا جيلي وجيلك
التعليقات