مساحة إعلانية
920x160
تواصل معنا
قبل ما تاخد أول نفس
من لحظة يلي بتخلق
بنقولك اسمك عيلتك
و مين لازم تلحق
لمين لازم تصلي
لمين بدك تشتغل
عمول متل ما عم قلك
حاجك قاعد تنهبل
نحنا قائدنا الفولان
حياتنا كلا بامرو
و كل واحد ما بيشبهنا
بيكون مشبوه بامرو
إنتبه منن، أوعى توثق
إلا بجماعتنا،
دعاس يلي بوجنا،
قبل ما يجيبوا اخرتنا،
حضار هيدا الـ TV،
و عكل الباقي سكر،
حتى تعرف شو في،
هيدي link ، إنت ما تفكر،
أوعى تحكي عن العيله
… عن القرايب
أوعى تحكي عن جماعتك
...عن المصايب
روح ع أحلى المدارس
تعلم بأحلى جامعات
بس تتخرج هاجر
FRESH DOLLAR بعات
و إذا منك قادر
تحمل حالك و تفل
حضرلي حالك
عجلسة تعتير و ذل
من أول يوم بهل دني
عيشتي عيشة كلبـ...ـناني
صعبه كتير،
و ما عندي حل تاني،
إلا إحمل حالي و هاجر،
عحيالا بلد فل
هيدا الحلم اللبناني،
والعترة عاللي بضل...
التعليقات