شاعر قرر يبقى رابر قام فجر
خرج فجاه عن المألوف ونشوف ايه حصل
من الفين و واحد واحد ظهر وانتشر
سايق متين متين وخمسين وانتوا شجر
عشر رسايل ابعتهم متوقفهمش عندك
اول رساله التاج حاطط عليك وعاللي ساندك
والتانيه رابك يتركب مش راكب الموجه
والباقي افهمه لوحدك حد قالك اني جوجل
التاج عليكم جاي وسانن سنانه اوعى تامن جنانه
كله ينضف ودانه هتسمع معجزات ع البييت
شوف انت الشاعر لما يهينك ويرابك
ويجريلك كلابك مهما هتكتب في رابك
تشتم برضو و اخرك تييت
شكسبير الاغاني و مش كبير انت تاني
عمرك يوم ماتكون مكاني خلصانه بالتاج
في سي اف سي هتلاقيني في الباركن بركن و اديني
بعمل شوبنج وانت اخرك في مول السراج
رجالتي في كل ستوديو بنتمي لوسط فني
انت كتير شبهك زي البرتقان واليوستفندي
كاتب اكتر من عشرين اغنيه للهضبه كاتب
كل الاغاني اللي انت بتحلم يوم تكتبها
شراقي جابلي رتم جامد قلت انا هرابه
شوف انت لما التاج وصحابه قرروا يتغابوا
البس كوفيه .. صدق واعمل مثقف صقف للقضيه
غني لغزه و في السر روح لليهوديه
تسرق من مين لما اقفلكوا الحنفيه
ده انا عيب عليا تتقارن بيا
هو المرسيدس يتقارن بعيون صفيه
ممكن لو تفهم هشرحلك اوضحلك اني هسيحلك
مش مرتاحلك بس انت في سحله وركز في اللي جاي
حتى متصعبش على الكافر وتسافر عامل بتعافر
هتساوي مازينجر بسنافر ولا صومالك ب دبي
سايبنكوا تاكلوا عيش في الراب ماعادا ابيو
ده ذباب في الراب و ده زاب و هباب وانا ليكوا سي بي يو
لسه اللي جاي اخطر يا برو خد بالك مني
علشان قررت افتح دفاتركم بعد اما اغني
كاتب لامال وشرين و لنانسي وعمرو و حماقي
وهاخدك في الراب ولا حتى هتاخد لبان بالباقي
بمسدس لعبه و دس و توكه ده رقمكوا التاني
علشان قوافيا اكيد محبوكه وبتاع اغاني
النمبر تو بطانه في محاره مش بالاساتك
اتحط عليه بكليب في حاره و اربع تكاتك
التراك ده اسمه شكسبير ولسه تراكاتي ياما
ده انا ممكن اعد كلام من هنا ليم القيامه
التعليقات