يگليبي سل و نوح، سل و تفطر
و إجري الدمع يا عين من جفني الأحمر
نوحي نوحي
نوحي على العافوچ يا روحي نوحي
يا الي اطلعت زعلان گولي اشمرامك ؟
كلما ردت "ممنون" يحكم غرامك
نوحي نوحي
نوحي على العافوچ ياروحي نوحي
تتمشى بالبستان شوفوا العفيفة
سوت شخط بالگاع اب راس الگصيبة
نوحي نوحي
نوحي على العافوچ ياروحي نوحي
يالشايلات اشراع بدموعي فوتن
كل الاوجاع اطيب بس آنه أموتن
نوحي نوحي
نوحي على العافوچ ياروحي نوحي
ارد أنتحر و ابليك كل چاره مالي
لو عندي ليل نهار لو تفك حالي
نوحي نوحي
نوحي على العافوچ ياروحي نوحي
التعليقات