انا اتغيرت من فترة
لكن مين اللي خد باله
ومين دلوقتي في الدنيا
بيسأل حد عن حاله
صحاب المصلحة بالكوم
محدش في الوجع بيدوم
لكل اللي خدعني في يوم
رسالة وجيت اقولهاله
انا دورتها جدعنة .. ومحدش خسر الا انا
دول ناس عايشين على الغيرة و ع الكره و على النفسنة
وعاشوا معايا في الأملة .. وكنت فاتحلهم بابي
ده انا لو غبت سنة كاملة.. مش هيحسّوا بغيابي
آدي آخرة الطيبة ..
ياريتني مشيت ورا الإحساس
حقيقي الدنيا دي غريبة
مُجرد ما بتقع تنداس
ولو ع العشرة متباعة
سنين بتهون كده في ساعة
فيه ايه في الدنيا يا جماعة
وإيه اللي جرى للناس
التعليقات