عزيزي الإنسان
نفسي اموّت الناموسة اللي مش بتخليك تنام
عزيزي الإنسان
نفسي بجد اسعدك مش عارف اعملها ازاي
كلامهم عنك غلط، مش لأن كذابين
مش فاهمين، أصل اللي زيك عن جيلهم متقدمين
مش فاهمين اللي زيك من تفكيرهم متعذبين
كنت سايق في الضلمة، لقيتك بتتمشى على اليمين
ركبت جنبي زي أيام زمان، أنا وانت على الطريق
بالصدفة في اليوم دا كنت قاعد بافكر فيك
كنت في منطقتك وحاسس اني هاشوفك
الدنيا خلتنا نتقابل وسط جهنم
جهنم ليك، جنة جديدة ليا
اللي مخليك تتعذب فيها انها في يوم كانت جنة ليك
بُص لي، ولائي ليك، لازم تتأكد
موبايلي رن تاني، هاقفله، مش عايز اتشتت
بمناسبة الكلمة اللي قلتها لي أول ما ركبت
إعرف ان استحالة اني أخونك، انت اخويا
بقى لي فترة عايز اعاتبك، شفتك وافتكرت
عمري ما هتضايق منك عشان عمرك ما قصرت
عزيزي الإنسان
نفسي اموت الناموسة اللي مش بتخليك تنام
عزيزي الإنسان
نفسي بجد اسعدك، مش عارف اعملها ازاي
سألتك إيه الأخبار؟ قلت لي: مش تمام خالص
فترة الاكتئاب طوّلت، راحت راحة البال، طارت
في آخر فترة قلّ الكلام بيننا
ولأسباب تافهة كنت زعلان منك
كلام سريع قبل ما توصل مكان ما انت رايح
بتوصف لي الطريق، في نفس الوقت بتديني في نصايح
كإنك بتقول اتعود على وجودي قليل
كأنك بتقول فيه شيء هيتغير قريب
مدخل دماغك فين؟
دايما بتخلي الكلام عليّا، مش عليك
صاحبنا التالت خايف عليك اكتر مني
ولو حصل لك حاجة هايتجنن
حاجة حسيتها من غير ما يتكلم
يمكن قليل الناس اللي بيفهموك بجد
وبالأغنية دي مش باحاول اقول لك اني منهم
كل اللي حصل اني شفتك وافتكرت
اني مش متضايق منك، عشان عمرك ما قصرت
عزيزي الإنسان
نفسي اموت الناموسة اللي مش بتخليك تنام
عزيزي الإنسان
نفسي بجد اسعدك مش عارف اعملها ازاي
التعليقات