الدنيا مولد .. مش برقص فـ مش هيطبلولي
أقول " حزين " فـ يفرحولي و لما بحكي يسقفولي
شافوا جرحي و ما طيّبولي عيطت و ما طبطبولي
كل اللي جمبي لمه زايفه انا حرفياً بـ طولي
أحلامي بتتسرق .. طمنتهم مع إن قلبي قِلق
فرحتهم و لما زعلت قالولي إتفلق
شبعت حَسد .. حبيت روحهم و فضلي جسد
دي حتى اللبوه راحت حبِت ديب و سابت أسد
كان قلبي أبيض و إسمّر .. و كل مُر عُمره ما مَر
فراقهم مُر علقم و إني بتعب ده الأمَر
انا صاحبي مَردش غيبتي لما إسمي في قعده إتذكر
زمان كان نِفسي في نجمه و أهو ربنا عوضني بـ قمر
يا قمري .. بعدك هكون ميت في قبري
يا قدري .. انا مستنيكي و عُمر ما يخلص صبري
كل اللي راح يغور .. أحزاني وقفوا طابور
كل اللي كان كارهني زمان بقى واحد من الجمهور
بياع كئابه طلعت الهموم في كتابه
صدعت بـ وعود كدابه عيطت بـ عيون كـ سحابه
ندهت عـ الأفراح , و لقيت من الحُزن إستجابه
و كله راح و سألت " هيرجع إمتى !؟ " مفيش إجابه
دساس و دوست عـ اللي باعني و عـ الهموم
مهما تشوفني وقعت و بوظت هرجع تاني أقوم
سما أحلامي ماليها غيوم .. حتى الفرحه ما ليها يوم
قولتلهم " مهموم " و سقفولي و قالوا يارب يدوم
بفضفض و انا زعلان ما تنفض انا تمام بلاك
انا قلبي كان غلبان زمان و أبيض و أصبح بلاك
حُزني يسود و مش بجوّد رُوح ما تعود هتعوّد
كانوا يهود فـ قومت محوّد " روح " كانت نور لـ قلب مسوّد
هآمن ولا أخوّن في النهايه ما هي هي
تعبت كتير في الدنيا قامت إدتني أحزاني ماهيه
حبيت و الكل ما حَبك .. و بقيت شحات مَحبه
كانوا بعاد أيام ما كنت بموت و رجعوا أما إتشهرت حبه
ما لكوا عوده مالكوا قلوبكوا سودا هلكه أخره موته
سألتوا " مالك ؟ " و إنتوا مالكوا حكيت لـ حيطان الأوضه
نصيبي ودّاني لـ ناس كارهاني الدنيا مش ضاحكالي
بسمع بـ وداني كلام مش فيا و نِفسي أعيش في حالي
إترميت في أحضان خاينين و كنت بعّلى في ناس جربوعه
مكنتش الأشهر فـ عشان كده كلمتي مش مسموعه
انا .. تعبت كتير عشان أوصل فـ لقيت نفسنه
شتموا فيا و قالوا " بقلد " ناس أصلاً ملهاش في الغُنا
بياع كئابه طلعت الهموم في كتابه
صدعت بـ وعود كدابه عيطت بـ عيون كـ سحابه
ندهت عـ الأفراح , و لقيت من الحُزن إستجابه
و كله راح و سألت " هيرجع إمتى !؟ " مفيش إجابه
دساس و دوست عـ اللي باعني و عـ الهموم
مهما تشوفني وقعت و بوظت هرجع تاني أقوم
سما أحلامي ماليها غيوم .. حتى الفرحه ما ليها يوم
قولتلهم " مهموم " و سقفولي و قالوا يارب يدوم
التعليقات