كانت كل اهتماماتي و اسمي في اهتماماتها بعده فاصله
حلفت بـ حياتي هتفضل و نسيت اني ميت اصلاً
فـ كده حلفانها فشنك .. اسد محبوس في سيرك
وقفني قدام مايك يلا و دوسلي ريك
ضلمت و انطفى البريق .. من ذنوبك انا برئ
يشهد ربنا سنين جمبك مفيش ولا كلمه تبل الريق
جيت وقفت في وش القطر عشانك كده انا جرئ
مكانش نورك نور ملايكه لا ده انتي شيطانه و ده حريق
فـ .. انا قدرت و عفيت من كدبك استكفيت
لو حبك دين فـ انا كافر بيه و لو كان مرض فـ انا خفيت
انسي .. ازاي شيطانه تحب انسي و اقولك حسي
كل ليل في اوضتي اعيط و اقول " كرهتك " و يعلى حسي
و اصرّخ .. حبك في قلبي ازاز بيجرّح
امتى يارب تاخدني بقى و اريح و استريح
دموعي مش كافيين ؟ .. عيوني صاحبت الكافيين
و بما انك فان ليا فـ زيهم عوزتي تشوفيني حزين
كئابتي بتميّزني .. معادش حد عاوزني
كانت بتغيظني لما قالتلي ألف من يتمنى يتجوزني
اصبحت عصبي و اي حاجه بتنرفزني
حياتي فيلم رعب و قلبي طفل بيتفرج على ديزني
كئابتي بتميّزني .. معادش حد عاوزني
كانت بتغيظني لما قالتلي ألف من يتمنى يتجوزني
اصبحت عصبي و اي حاجه بتنرفزني
حياتي فيلم رعب و قلبي طفل بيتفرج على ديزني
اسكت .. بس .. كان حد فيكوا بيا حس ؟
شيطاني ياما وَز .. مريض ملوش تصنيف في علم النفس
راحت فين الحنيه ؟ .. لقيت قسيه اصل انا نحس
بت يا بت انتي يا جِنيه .. ازاي كان حبك ليا مس !
لوحدي مليش صحاب ولا كانلي حتى فانز
ولا عايز القى كنز ولا يحطوا اللوجو بتاعي عـ الكانز
مش عايز اتشهر .. انا عايز ابطل حتى اتقهر
جدع .. جدعه .. نسيوا بسرعه إزاي خلوني انبهر
و بكل طلاقه .. مش هيسمعوا عشان الباقه
ايه رأيك فيا و انا لابس في الكل مقالب شكلي الاجه ؟
خلفت كل وعودها و مخلفتش وعودي
جاني جني .. جني سعودي خد روحي و يا " روح " لا تعودي
مش هسامحك .. وقت ضيقتي انت اختفيت في لمحه
قلبك اسود اوي .. - بيتهيألك ده اسود من الفحمه
مش هرجع .. عشان مكاني عندك زحمه
محبوكيش ما ياما شوفنا كلاب بتتصارع على لحمه
كئابتي بتميّزني .. معادش حد عاوزني
كانت بتغيظني لما قالتلي ألف من يتمنى يتجوزني
اصبحت عصبي و اي حاجه بتنرفزني
حياتي فيلم رعب و قلبي طفل بيتفرج على ديزني
كئابتي بتميّزني .. معادش حد عاوزني
كانت بتغيظني لما قالتلي ألف من يتمنى يتجوزني
اصبحت عصبي و اي حاجه بتنرفزني
حياتي فيلم رعب و قلبي طفل بيتفرج على ديزني
زهقت ؟ .. - لأ زود اكتر .. اتعاملت بـ 100 كراكتر
حبه تحب يوچين و حبه بيعجبها فلين رايدر
استنيت الفرحه و اديني سنين متكدر
الناس بتحب الهلس و انا بقدم فن فـ مش متقدر
في وجع قلبي غاوي و بشكي همي للقهاوي
خبريني يا ضي عيني حياتك بعدي ايش تساوي ؟
هو الفرح حلو ؟ .. اصلي مشوفتش غير بلاوي
انا مش محمد الحلو فـ ليه حبايبي بيطلعوا لباوي !
مش قولتي عليا ان انا كداب غشاش و بزئ
و ادي قلبي هاتيه و جدعنه مني خدي بداله خوازيق
انا كنت هادي ازاي بقيت شخصيه عنيفه ؟
اما تشير التراك ده اكتب ممنوع دخول اصحاب القلوب الضعيفه
مثلت انها مظلومه .. قالت انها محرومه
و انا بقيت كل اما اذكر اسمها بقول قبله المرحومه
شيلتك عـ الراس و كنتي شومه غراب بيحب بومه
خانتني يا عمو حسام لكن هقتلها مش هعيط زي سوما
كئابتي بتميّزني .. معادش حد عاوزني
كانت بتغيظني لما قالتلي ألف من يتمنى يتجوزني
اصبحت عصبي و اي حاجه بتنرفزني
حياتي فيلم رعب و قلبي طفل بيتفرج على ديزني
كئابتي بتميّزني .. معادش حد عاوزني
كانت بتغيظني لما قالتلي ألف من يتمنى يتجوزني
اصبحت عصبي و اي حاجه بتنرفزني
حياتي فيلم رعب و قلبي طفل بيتفرج على ديزني
التعليقات