اوقات بلف في الشوارع من غير هدف
بابص في الوشوش كله واخد م الحياة ١٠٠ قلم و قلم
هنا في شوارع القاهرة
تحس بكل حاجة مدمرة
كل حاجة بقت بيع و شرا
الغلط في العلن و الصح في الدرا
احنا في بلد المسخ
كله عامل نفسه جامد فشخ
الضعيف بيتاكل و الطيب مضحوك عليه
كله ماشي بالحب
المهم معاك كام جنيه
قال ايه
بكرة هبقى مليونير
هي دي العقلية
مادية متعفنة
لف يا تور في الساقية
لو حتى ١٠٠ سنة
و يقول لك الصحاب في اجازة
الحمد لله زي ما قلتكلم ان صحابي رجالة
عايزينك تبقى مالكش عازة
دايما باصص في شاشة
كيفك ما بين حاجتين
البسكوتة و القماشة
لو فكرت تكون سعيد من غيره تبقى في قمة السذاجة
مافيش حظ في قدر
عايشين تجربة مليانة بالخطر
الحروب ابتدت و الوباء انتشر
مش الCorona اللي اتفشت
دا جحود البشر
الأزمة دايما وراها اسباب
القلوب اتوفت قبل ماتتوفى الأجساد
الجيل اللي جاي واللا اللي قبليه هو اللي فسد
شهادة وفاة لشعب كامل من غير مستند
يا تعيش فار يا تموت أسد
المهم سيبك م القضية ديا
اصلها خلصانة من زمان منتهية
لو مش فاهم الكلام افتح Lyrics الأغنية
يمكن كلامي التافه يغير العقلية
اللي بقى لها سنين عمالة تتشكل
مش عايز اقول كلام يعكنن
لو ماشي بسرعة في الكلام عادي ممكن اركن
لو كبيرة الفكرة على مستوى افكارك
ممكن اقطعهالك ممكن افصصهالك
هي مش رؤيا هفسرهالك
الحياة انتهت قبل ما تبتدي
هل الفكرة دي واصلة لك
كل خطوة انت رسمتها لطريق انت مخططه
انعدام امل في حاضر انت بتكرهه
بالاحساس بتستهونو
في الكلام بتكترو
مصيرنا مكتوب احنا بس عالورق بنسطره
و الوهم اللي عايشين فيه انكو ممكن تغيرو حاجة حتمية
فتحت Lyrics الأغنية
طب اسمع عشان تفهم
مش مهم انك تغلط
بس ماتغلطش لو هتندم
ماتسمعش لو مش ناوي تفهم
ماتسألش على التمن لو مش ناوي تدفع
الهروب مش هينفع
اللي فات مش هيرجع
الشمس مش هتطلع
من غير ليل طويل
و الأحلام مش هتتحقق
لو فضلت نايم
لو فضلت مقتنع بالواقع الجميل
هتفضل في مكانك و مانتاش قايم
مافيش فرصة جاية
مافيش وضع دايم
التعليقات