كلمات اغنية بدر العزي – والله ما أنساه

ياللي تسيّر عليه وتاصله قلّه

إن كان ياصاحبي سولف وطراني

حبّه بقلبي مقيم و والله ما مله

والله م انساه لو انّه تناساني

البارحه طول ليلي ساهره كلّه

العين ما غمضت والنوم ما جاني

حالي من الوقت كنّه صايبه خلّه

الحزن قدله وهو ما غير ينصاني

كله سبايب وليفٍ غيّر الملّه

اقفى وانا ارد دمعي غير م امداني

من يوم م اقفى بعده الروح منسلّه

الضحك ما غير ياتي ويتعداني

م اللي يلوم المفارق جعله العله

من جرّب الفقد طول الليل سهراني

ياقلب لا تشتكي همّك لخلق الله

عشان لا تفرح بما جاك عدواني

اجامل الناس وانا علتي علّه

واقول والله ما احدٍ جاه ما جاني

جرحٍ بنصبر عليه وجرح لا بالله

جرحٍ يزيد المواجع طول الازماني