مساحة إعلانية
920x160
تواصل معنا
بدّيش أنام بدّي أسهر
بدّي ألعب بدّي أحضر
أبني قصر مخدّات
وأستنى الوقت يتأخر
يلا فوت على التخت
قوم نام، لأ مش قايم
بدي أغفى على الكنباي
وتحملوني وأنا نايم
أقعد أتخرّف معاكو
أو أحضر معكو فلم
والألوان تضوي بالعتمة
ما في منها بالحلم
بديش تحكيلي ليلى الحمرا
بدي أركب على الذيب
ونعوّي على القمر
لما يصير كثير قريب
بتقولوا إنه في التخت
بكبر جسم الإنسان
طيب ماما بكرا بكبر
بس الليلة مش نعسان
التعليقات