الكلمات :
مغرور شايف نفسك انك كده عديت ومشيت
صدقنى انت غلطت ولشيطانك انت صحيت
بصيت .. لقيت طرق كتيرة مدارية
ما لقيت غير واحد بس فيه احلامك كلها منسية
تضحية .. ضحيت بيها وانت مكفوف
من اجل حبيبك اللى باعك لما كنت فى اصعب ظروف
فاكر لما قلت اشتغل واتعلم حاجة
فالقيت انك ماشى غلط وفى ناس غيرك محتاجة
الغنى هو الفقير والفقير عمره ما احتاج
هتلاقى فى حاجات غريبة حصل فى مخك ارتجاج
My Mind Is Gone .. My Way Is Wrong I Need Your Help
I Can't Get Back To My Way Am Just Dissin' My Self
منكرش ان فى ناس كتيرة جت ووقفت جنبى
بس ده عمره ما يأثر لازم اغير من نفسى
دنيا متوهانى من ميلادى ولحد مماتى
بعتذر عالانانية بس ده أسلوب حياتى
أسلوب حياة .. خدته اتجاه
عمانى أغوانى خدنى وودانى وفى وسط السكة تاه
سبته ومرجعتش .. ومتعلمتش
ورجعت تانى لنفس السكة وخدت الاتجاه
عجبي عليك يا زمن وعجبي عليكي يا دنيا
بقي انا أعلًي نفسي وهي تبعني في ثانيه
دافع تمن إهانتها ومش هاممها إني أبكي
ذاله الطريق قدامي ومش بإيدي إني أشكي
دوقت زاد شهد طعمه الإنكسار
مكبوت وكبتي بيصرخ مانا مش بإيدي اختار
إني ابعد ولا افضل قرار مفيهوش ندامه
ضالمه الحياه من بعده راح وبٌعده مالوش علامه
نفسي هي الابقي ليا مهما هتدوس علي النفوس
مش فارقه اني اضحك ليكوا او ابدأ بالعبوث
قلب طيب عقل تايه شخصوني بالمفقود
قله دين مع التدخين روح وايله للسقوط
حب الذات منحني قوه تمنعني أكتر وأكتر
أكسر قلوب كتير أو أنكسر مبقتش اتأثر
قصه ان ابعد عنها تقلب الرؤيه لكابوس
فالدنيا لو خلتني حر مصيري أكون محبوس
أسلوب حياة .. خدته اتجاه
عمانى أغوانى خدنى وودانى وفى وسط السكة تاه
سبته ومرجعتش .. ومتعلمتش
ورجعت تانى لنفس السكة وخدت الاتجاه
ظهور الكبت فى معنى اسمى .. بيمحى نبض جسمى
زى مرض سرطان فى دمى بيجرى وبقول لنفسى يا نفسى ابتسمى
يا ضحكة اترسمى فين رسمتك من يوم ما اتولدت
طب مانا اللى سبت عيشتك ورحت لعيشة الكبت
انا السيد ولا العبد ولا انا مذلول
انا اللى سيفى حاد ولا انا اللى سيفى مكسور
انا مجهول ولا معروف انا عالظلم صبور
انا ملاك من غير جناح وفى الحقيقة شيطان مقتول
لو كنت ضعفت فى وقت الشدة .. كنت اتدبحت
لو كنت ملاك من نار شيطانى .. كنت اتلسعت
مانا اتنصحت كتير اصلى .. عمرى ما ركعت
جنة الاخره مضمنهاش ومن الدنيا اتمنعت
تيار معاصى بيقتل فيا من الحساب انا خايف
خايف ملحقش اغير نفسى لعذابى انا شايف
شايف قبرى والناس بتبكى انا ميت عارف
وفى نفس اللحظة وقفت فهمت عذابى عالمشارف
أسلوب حياة .. خدته اتجاه
عمانى أغوانى خدنى وودانى وفى وسط السكة تاه
سبته ومرجعتش .. ومتعلمتش
ورجعت تانى لنفس السكة وخدت الاتجاه
التعليقات