اداء و كلمات و هندسة صوتية : Ahmed Yehia
ألحان : Ky. & Tr. Beats
الكلمات :
فاكر و لا نسيت مانتا خدت تاخد بس
بعدت و قسيت وانا مين مرة بيا حس
راميني ولا كأني غريب من صلب غيرك
ماكنتش عاوز غير حنية مش طمعان في خيرك
فاكرني محتاجك تكون موجود عشان فلوسك
انا محتاج ضهر يسندني يلعن ابو اللي يعوزك
كرهتني في حياتي و اتمنيت ماكنت جيت
حببتني في سيائتي وللهداية نسيت
لما كنت في طول ركبك اتذللت زمان عشان
الاقي من الغريب حاجات اهمها الحنان
ازاي تقبل تتغطي وانا متعري من حمايتك
ماعرفش امي ليه سكتتلك حققتلك غايتك
حجج وراها مطامع اصل العيشة صعبة هنا
احنا عيشنا نكح فقر وانتا مدلدل جوه الهنا
انك تبعد وتعيش ملك في عبوديتنا
احسنلك ترجع انا مش سامح تمشي ابداً علي سكتنا
اشمعني هُنا عليك مستني منا الرحمة
مش معني عتابي ليكي ماضيه يتوه في وسط الزحمة
انا بكرهك و الكره عمره ماعرفه قلبي
ممكن امثل حبك بس مش عارف اخبي
وانا صغير كنت احضن الدبدوب كأنه ابويا
لا كان لي عم يسأل و لا حد اقوله ياخويا
امي طفحت الكوتة و اتحوجت للي مايسواش
عاشت عمرها للغالي وانت استسهلت البلاش
ناكر نعمة ربنا ادهالك مانا مصيري ارجع
فاكر خليك جنبنا لكني لنفسي بس هاسمع
بكيت شكيت نسيت لاقيت العمر بيا فات
حسيت محيت عميت ناهيت جوايا الذكريات
انا طفح قسوة عقلك شخصك سلب فرحة ابنك
انا مسح قوة قلبك دلك تكسر اللي منك
مانسيتش المشهد لما قولتلك بحرقة استني
انا لو هارتاح في غضبك يبقي احسنلي اخرج مالجنة
دلوقتي احتاجتني دلوقتي طلبتني
دلوقتي بتتمني ان الدنيا ترجع بيك يا دني
ماتمنتش ان في يوم اسبك بس فعلك علم
انا مهما عملت فيك عمري بجد ماهندم
كبرت ولما احتاجت ضهر جيت تتذل ليا
انا ماعرفش الا امي ماتجيش تلوم عليا
المسئولية مش كامنة فيا واخد علي الخيانة
بجانب كل ده بعدك عني بجد اهانة
لمشاعر طفل و ام نفسهم يناموا في امن
ببعدك كرهت الحب و اتمسكت انا بالغبن
مش فاكرك ولا عايز اضيع وقتي ثانية عليك
مش مسامحك ولا هادعي ان ربنا يهديك
من حبنا حبناه وصار متاعنا متاعه
و من كرهنا كرهناه يحرم علينا اجتماعه
فانا قررت اردلك اهدلك اللي بنيته
مانا مش ناوي افتكرلك اي خير منك نسيته
سهرت بالليالي انادي بابا مافيش جواب
امي دافعت قالت يارب قلل الغياب
بكايا جوايا صرخته ملت سمايا
منايا دوايا كنت تكون شمس لدنيايا
لكنك كنت ضلمة وزادت بيا العتمة
مشاعري تجاهك جامدة صعبة دايماً وكاتمة
الطفل كبر مش هايكون غلبان طول عمره افتكر
الطفل قدر صابه جنون الكره اصل قلبه حجر
كسرت وانكسرت دوام الحال من المحال
كما تدين تدان مافيش كلام يتقال
ادركت من جواك يعني ايه ربك حق
هاتقولي سامح ربنا بيسامح برده لأ
انا اتمنيت اعيش لحد ماشوفك ماتذليلي
جربتها قبليك شوفت اللي كان حاصيلي
مواجهتي وحيادي وقسوتي مجرد بداية
كل ده ١٪ والباقي مالهوش نهاية
التعليقات