مساحة إعلانية
هتعيشوا ممثلين حتي لو فيلمكم انتهي
ادائكوا راهنت عليه يوم ما عرضكم ما ابتدي
ظاهرين بدور مش دوركم بتدعوا الكآبه
الدنيا زي ما فيها الحلو بردو فيها غابة
كان كل املي في حياتي تفضل الناس ترعاني
بس انا نفسي اقوي من كل حد حاول يكسب مكاني
خدوني عبرة ليكوا ببتسم بعين حزينة
تَشتُت حول المعني بيجُر فِكري لكل غريزة
فمعني الإنسانية ببطئ من جوايا يزول
زي المريض شعره بيسقط بعدد مَهوُل
تِسحب نفس تطرد دخان وبردو مش بيأثر
اغرب خِلق بتقرب والكويس ياما بيكسر
اظلم كمان واظلم مانا اصلاً كاره نورك
فالغل يبقي شخصك ويمتد لجدورك
فامتلومُنيش علي حاجة لما اختار الوحدة سند
ماتكرهونيش لما اخسركوا من غير سبب
عكس بعض انت و هو مَفيش مابينكم صفة
واحد طابعه ايجابي و كل الناس عايزينه
و التاني إنطوائي شايفين حياته مقرفة
بس ماكانش بمزاجه انه يغمّي عينه
عكس بعض انت و هو مَفيش مابينكم صفة
واحد طابعه ايجابي و كل الناس عايزينه
و التاني إنطوائي شايفين حياته مقرفة
بس ماكانش بمزاجه انه يغمّي عينه
لذتي ومتعتي بتكمن في إنعزالي عالكون
شعوري بالنقص اهم صفاتي عالعموم
شايفني في عينكوا أثرد من كُتر ما طبعي غامض
ليه بتلوموني مانا مِستحمل توبيخكوا وساكت
كسول وبلقي راحتي لما روحي بتبقي فوق
بكره رؤيتكوا بسبب اكيد مش قلة ذوق
هروبي من واقعكم حافز و ايجاب بالنسبة ليا
ماأقدرش اواجه مشكلة ليها علاقة بيا
برضخ لرأيكم لإن وجودكم شئ يهلكني
صاحبي الوحيد خيالي واللي بجد بيفهمني
شوفوني اني مغرور شوفوني ان اناني
تفتكروا ده بمزاجي اُقسم بالله بعاني
حلمي اخرج من عباية انكسار الذات للأبد
جربت كل شئ قربت اكفر بالأحد
نفسي تشوفوني مرة واحدة بني آدم زيكوا
نفسي الحياه تديني فرصة اكون واحد منكوا
عكس بعض انت و هو مَفيش مابينكم صفة
واحد طابعه ايجابي و كل الناس عايزينه
و التاني إنطوائي شايفين حياته مقرفة
بس ماكانش بمزاجه انه يغمّي عينه
عكس بعض انت و هو مَفيش مابينكم صفة
واحد طابعه ايجابي و كل الناس عايزينه
و التاني إنطوائي شايفين حياته مقرفة
بس ماكانش بمزاجه انه يغمّي عينه
التعليقات