الكلمات:
الزمن غير الزمن مع اختلاف لقب الاسامي
فطبيعي يبقي التمن واطي مش شاغل اهتمامي
شكيت لكل حد ٢٤ ساعة ساكت
فباقي الاسبوع بيحكي مشاكله لجثتي اللي ماتت
طرق واسعة في نظري بس بعرضي قبر كافر
هزلان مخوخ قلة ليه شايفني وحش كاسر
عمي الوان تلفان انسان صابه الجنان
فحان وقت ألحان الكمان صاغي كما الماليكان
سما بتنزل شر في مذهبك أكيد يجوز
علي فكرة انا شعري شايب مع كوني مش عجوز
قعدت تحرق في ايمانك وتناهد في اللي نصحك
فضلت تتوه عنوانك مع ان انا اللي فاضحك
مرايتك بتبين سوادك وبتعكس في زيفك
مش قابل العلاج ولا حابب توقف نزيفك
قتلت قلبك ومشيت في الجنازة رافع راسك
نصرت عقلك اصل بكده خدت منه طارك
كافر بشمسكم حابب استمتع انا بغروبي
بكره تلون الجلود بمليون لون ولوني
كافر أكونك وانت تكوني زي كوني
بكره في نفسي كتير حابب تحبوا عيوبي
اللامكان بيخلق للمكان حس ومشاعر
اللامكان فرصه كتير لكن طريقه واعر
كواكبك مش مناسبة ليا فبالطبيعي أهج
ده انا لو لفيت بيوت ربنا مايعتبرش حج
بتضحك وانا ببكي في ضحكي عز بُكاك
بتبني وانا بتهد في بنايا بهد بُناك
انا ١٠٠ كائن متلون .. جوه صورة بني ادم
انا مليون فكرة وفكر .. بيجسدوا التلائم
مضطرب نفسي سيكوباتي زود عالمجانين واحد
علي قائمة مختلين العقل مركزي متواجد
ملحد بالاعتيادية تلاقيني قنوع بخلافك
زاهد بالانطوائية خليني في صف ائتلافك
انسي الخلافة لو هيهدوا المعبد بعد شوية
الحق تركب مع نوح اصل الطوفان اذية
ده لا الزمان و لا المكان يسمحوا تسجد لبقر
لو موسي ماحظروش ماكناش الخِضر صِبر
كافر بشمسكم حابب استمتع انا بغروبي
بكره تلون الجلود بمليون لون ولوني
كافر أكونك وانت تكوني زي كوني
بكره في نفسي كتير حابب تحبوا عيوبي
التعليقات