شكراً عالعزيمة
أصلاً ما كنت رح إقدر طل
مرتبط بموعد شغل
بس شكراً عالعزيمة
شكراً عالعزيمة
شكراً عالعزيمة
أوعى تحس حالك غلط
أصلاً قالولي بالغلط
إنك عازم نص البلد
انشالله ما نسيتني قصد
بس أنا بفضل يكون قصد
عن إنو نسيتني بالغلط
وشكراً عالعزيمة
شكراً عالعزيمة
المرة الجايي بوعدكن رح طل
انشالله الفرحة ما بتقل
بس أنا صاير بسرعة بمل
من زحمة هالمدينة
كنا تنين، وهلأ صرنا
كل واحد بعزيمة
كل واحد بعزيمة
شكراً عالعزيمة
والله ما قصدي احكي بسم
وإنت أول من يعلم
إني طول عمري بشيل الهم
انشالله تتهنوا بالأكل
بعرف أكلاتو غير شكل
ولما المعازيم تفل
بعترفلك بالهزيمة
المرة الجايي بوعدكن رح طل
انشالله الفرحة ما بتقل
بس أنا صاير بسرعة بمل
من زحمة هالمدينة
كنا تنين، وهلأ صرنا
كل واحد بعزيمة
كل واحد بعزيمة
شكراً عالعزيمة
أصلاً ما كنت رح إقدر طل
معجوق وعندي كتير شغل
بس شكراً عالعزيمة
كانت قعدة عظيمة
مشكور عالعزيمة
التعليقات