شوف،،،صحيت لحالي كسرت كل منبهاتي
اخدت دوش علشان اعرف أفوت بحياتي
ضغطت زر الثقة بالنفس،،،زبطت شعراتي
هادا كله بس عشان اعرف اوصل وأقلكم الأتي
مش رح نضلنا تحت،،، رح نطلع لفوق ونعلى
رح ندحش إيدنا بالمستقبل،،،نتناول عيشة أحلى
ماتنسوا إنه دم شهيد زي النبيذ،،،لم بتمر الأيام و السنين بيتعتق وبضله يغلى
فبوجه الحزين اللي فينا،،،نخلي الغيوم تراضينا
نعلى العيوب اللي فينا،،،نقلل الديون اللي علينا
نتكاثف،نتكاثف، تختفي الطيارات لما تخش فينا
نطلع مشاعرنا على الهوا زي أبو مينا
القامع والمقموع،،ممانع الممنوع،،فكر انهزامي يُمول ويصبح مزروع
بس الجيل التالت في الداخل بدأ بالرجوع
ماصحيتش اليوم عالفاضي،،قال شرعن المشروع!
فرع المداخل كنت عطشان لقيت ينبوع
لا مستني موافقتكم ولا المرئي والمسموع
انا مش عم ببيع تطبيع،،،ضروري تصير تميّز
ركّز ياكويس البحر كويس ياريس
تفيّز ما تفيّز مش هذا هو السؤال
بحلق بالتصريح،،هذا الاحتلال
انا ابن لاجئ على السكيت حب يشوف البيت
فاتمسكت بطبون سرفيس الجسر عالشارع الاستقلال
هاي الاغنية للكل، اغنية زي الفل
مش ردة فعل،ولا انفعال،ولا فشة غل
خلوا كل واحد يقاوم بطريقته،،لإنه الاحتلال بكل الاحوال واقف بطريقه
وشوفني
استشراق داخلي،واستغراب من الجميع
استشراق وإراقة الدم،كان في العراق الدم
كان نفسي اكتب تدفق ما فيه ملام،،كل ما بلحن اغنية بتطلع على نفس المقام
احنا شعب مهزوز،شعب مستفز،فاتحمسنا عالربيع زي دودة القز
تتعدد الطرق بتعدد المسالك،،ليش دايمًا بدكم الاكثر عمومًا من ذلك
انوار التفاؤل ميلت،قولتلها كيف حالك؟مين اللي قلك إني لقيت لنفسي طريقً سالك
،،هاي الموسيقي تحصرهاش بسميات نصيحتي
الإقاع طير مهاجر اخد استراحة بحديقتي
مش رح احصر العمر بعدد الدقات،،اللحن ثورة على الذات إزا صار إلي شبيحتي
الوان كتير ومخلوطة،،بأي لون بتميل
أي إشي بتحاول تروجه رح اعمل منو بديل
سميها موسيقي بديلة،،مواقف نبيلة
الهوس بالأخر،،التعصب للقبيلة
انا عم بحاول ابالغ بس بتضلها قليلة،،بر الأمان خشبة مكتوب عليها بأية وسيلة
برا عمان طلع الجمهور حافظ التفعيله،،فعم ننتشر على كل الاقطار زي الأرجيلة
أخوك الفرعي الإشي العربي اللي عم بتحس فيه من فترة
بكره الصورة وبكره هاي النظرة
في بنت بين الجمهور زاكيه وعينيها حور،،لازم تعرف انها منسجمة لانها حاملة بقلبها جمرة
قال كيف كانت بيروت،،شايفني طالع سهرة
انا مش سائح سجّان،،انا واحد من الأسرى
انا من آل عمران فأختي بتكون العذراء
بتضل الأرض هاي كلها إلي لو بقسموها ميت مرة
شوفني
استشراق داخلي،،واستغراب من الجميع
استشراق وإراقة الدم،،كان في العراق الدم
التعليقات