مساحة إعلانية
بكره المذبذبين أصحاب الموقف الحيادي
لما المحن تنهش أهلا بسبب محتلين
ولا الضآلين أسياد المازوخية
يلي فضلوا التعذيب تحت احكام الفاشيين
بين الآسى واللين
بتلاقي ناس راحت ارواحا ببيوتا
وسكنت اجسادها بالطين
ونفسون يلي فضلوا الأسد بتلاقيهون
كرهوا عيشة البلد
واخرتون راحوا منتحرين
بيفهمهوها سباقات مين اتظاهر مين دافع
مين جاع ومين انضر أكتر
بردوها بالزمر مين رقص دبك
و الي بتشلح أكتر بحفلات وبنادوا بتعمر
يا بخت الي جاب مرتو ترقص
ويا ويل الي ما حضر
ونفسو يلي مجد الرئيس بتلاقيه
رجع يلعن البلد والعيشة ويتمنى السفر
بيفتح برادو لياكل تلقائيا بتلاقيه كفر
هي انتفاضة عالذل هي انتفاضة عالكل
بلد مميتة لناسا شوف ارتباطا بالسل
شوف انضباطا بالغل لما للبلد بتحن
لا تناشد الي دمرها قانونك اوطى من الطبل
هي انتفاضة عالذل هي انتفاضة عالكل
بلد مميتة لناسا شوف ارتباطا بالسل
شوف انضباطا بالغل لما للبلد بتحن
لا تناشد الي دمرها قانونك اوطى من الطبل
بكره الملونين أصحاب الموقف الرمادي
بعلم أحمر تركع تحت رجل السلاطين
بكره كل مين اشترا وباع ونافق
على حساب دم الشهدا و ركام النازحين
هاد مو انتخاب هاد ركوع
مو وطنية هاد خنوع
في مين طالب بالحرية
وفي مين تجرأ يشترط عالسيادة
بحكم العبودية بالجوع
وفي مين بيرضى بالخضوع
ما بمدح سياسي ما بقبل بحكم عسكر
ما برضخ لشيوخ بتحمل سلاحا لتتصور
ولما اقرأ عن الثورة
بشق تم الكاتب لما يكون بلندن
وبدبي دار النشر
قادم من أحيائك ميت لإحيائك
انا صرخة بوجه الي استغل حيائك
حتى احزاب المعارضة شوهت اسمك
لما تحمل علم الثورة شوهت الوانك
بيستحوا بأسمك ما بقولوا ثورة
أزمة حرب أحداث كيوت أكتر
لولاكي ما صاروا
أصحاب منصات ومناصب
ولا وجوهون طلعت عالشاشة بعمرا
ولا مسكوا اليورو ولا شافوا بلاد برا
لولاكي الماركات بتضل بقلبون حسرة
مع هيك بيقطعوا حدود لينتخبوا يلي دمرك
مع صورة كاتب عليها في النا رجعة
عاشق السطلة بحبا تهين فيه
بسقط حكام العالم بس رئيسو يعيش
بهمش أسباب التهجير
بيتناسى جرائم نظامو
و بيتضامن مع فلسطين
هي مقارنة بين الثورة والثروة
الحر والدنيئ
الذل والذليل
بين العمل والعميل
النهضة والصحوة
حق الرد والتصعيد
الروس والرئيس
بين القدس والتطبيع
الحرية و التقديس
حكي تقيل
ما بتفهم قانوني لو منطرب عالزمر والتطبيل
ولا بأي وتر بضرب لو بتسمع من أبواق التلميع
هي انتفاضة عالذل هي انتفاضة عالكل
بلد مميتة لناسا شوف ارتباطا بالسل
شوف انضباطا بالغل لما للبلد بتحن
لا تناشد الي دمرها قانونك اوطى من الطبل
هي انتفاضة عالذل هي انتفاضة عالكل
بلد مميتة لناسا شوف ارتباطا بالسل
شوف انضباطا بالغل لما للبلد بتحن
لا تناشد الي دمرها قانونك اوطى من الطبل
التعليقات