الوطن غالي... هيك كانوا يحكو
الدم الي ما بيعجبك لونو استمتع بسفكو
و الي كانو يحكوا داخل فنادق اللجوء
منافقين ما كانو عم يبكوا
يلي تقمص السلم متنكر زي الحمامة
والصادق يلي كنا نكذبوا مكبل بزنزانة
و الجيل يلي ما رضي يعبر بصمتو
هو بدار الهجرة عم يرفع بصمتو
انا كناية عن محارب مسالم بس مو كاذب
ناجح ماني راسب سرد حمض مانو راسب
فكر بالفعل مصارع بالمذهب مو شارع
فن للحلم وثائق
نحنا منغري بالسطور لولا الحق ما بموت
انتوا بترغو بالاغراء احفاد رولا يموت
كذبة انتهاك متل مسج مارك
مانك قد هالتراك شغل baby shark
سطر الوجع بسطور استقبل الفجع بالنور
انتفض يا بلد وثور لتصير المدينة حرة
هني بيحكوا بالفجور بكرا بينكتب عقبور
ناس سوء سود زور عنا صوت المرأة ثورة
كل ما دارت الساعة منتحسر بعمرنا
لما نصرخ الصوت ما بيطلع قد ما هتفنا
ما هرمنا بس عرفنا لما كبرنا
انو مع كل دورة انتخابات عم يكبر ورمنا
ثالوث مقدس متربع بدوائرنا
والعين تبع المثلث عم تلعب بدولنا
بس ليك نحنا ما عنا طائفية
بس بال2000 بربع ساعة
حرّفوا المواد الدستورية
فسطر كل حرف بهاد الفيرس
وبخر ليتبارك ابن البيك
وذخر هي ساحة باتل فيلد
ومسك منيح لانك منجرف بهاد السيل فحضر
مطرح ما قاتلت ادبح واسرح باحلامك لانو ما حدا بريدك تنجح
واسبح بخيالك رسوم وخطط مستقبلك حط راسك عالمخدة نام وشخر
سطر الوجع بسطور استقبل الفجع بالنور
انتفض يا بلد وثور لتصير المدينة حرة
هني بيحكوا بالفجور بكرا بينكتب عقبور
ناس سوء سود زور عنا صوت المرأة ثورة
ارجع لحضن الوطن وادفع البدل عالفيزا
سيادتو كتير حنون ترباية الام تيريزا
مسكين كتير ضبوه ع الاحتياط سحبوه
ع خط الجبهة حطوه كلو فدا لرئيسا
هرم ليجمع حق الجيزا ناداه الوطن
قلو مو ملاقي تاكل تعا دافع عالمستوطن
وقف عالحاجز شلح باسم القائد سبح
وشبح للبعث بأناشيد الحزب صيح
ريحة البلد دم فأتمل جمال الورد
قالوا اللعب عالمخفي فتنبأ مكان النرد
حذاري من سوء الظن هي الarea 51
كم مرة مات الخليفة قلي فيك تعد
الارزة ثارت بالشوارع والنسر زمجر
و تلات نجوم صارت رمز مع الله اكبر
انا فاني بس كلامي بمخك باقي
انتوا بتحكو الحقيقة والحقيقة بتحكي بصوتي
سطر الوجع بسطور استقبل الفجع بالنور
انتفض يا بلد وثور لتصير المدينة حرة
هني بيحكوا بالفجور بكرا بينكتب عقبور
ناس سوء سود زور عنا صوت المرأة ثورة
التعليقات