صفحة وحدة ما بتكفي صرت كاتب دواوين
ما ح تصبر بهالمرض دور عن الدوا وين
بحاول اثبت بمكاني ما انجرف بالسيل
و الي بقلك بكرا مننتصر بتقلو تلحس عفرين
اخواتي خافوا من الضرب وجهون صار باهت
بقلون ما تخافوا راحت عرفوني كاذب
بنادولي تخبا والصاروخ نازل
و أبي قبالي قاعد بيلعن الأسد والفصائل
امي اتصلت قالتلي ورانا ضارب
جبت اسعاف ورحت شفتا مع جدي مصابة
الحيط فوقو قالب عنصر الدفاع قلي آجر
في عيلة تحت المبنى
بوقتا حسدت اخي الراحل
كان عبالي امدحك كون جنبك احرسك
وقد ما نشّزتي بصوتك اعمل حالي منطرب
وانجبر اهتفلك مع اني عارف مصدرك
نجومك الحمر ما نفعوا لما السودة احتلتك
ارجع عالبلد بين اهلك وناسك بين اهلك وناسة
من اهلك ونافق ومن هالك بغارة
وتأكد لو كنا مننزف نفط لا صارت حرب
ولا انضربت رصاصة
استاذي بقلي اقرأ هالكتب وادعيلي
وانا قرفان القراءة من اول كتاب فيني
بتذكر قرأت صفحة كانت تحكي عن تعذيبي
ما عاد اثق بالكتب ولا حتى بطرق تعليمي
و ان حللتم سهلا و ان حلّلتم سهلا
و ان قدمتم اهلا وان قدّمتم مهلك
اما ان تبخش ادنك او اذهب لتصل رحمك
خالاتي كل يوم بيسألوني ايمت ح نخطبلك
حكولي منفصم قلتلون الشيطان رابعنا
ما صار عنا انقسامات وتهجر ربعنا
جيل كتير فاشل هيك قالوا عنا
نحنا الجيل ال عم ينضف نشح الاجيال القبلنا
بايعونا جئنا نصرة للثورة
فاتبعونا من هنا طريق الاقصى
فهابونا حتى نسلب ما تبقى
بلغوها اذا أتيتم حِما المعرة
شوهوا قالوا لا تراجع خطوة
فباعوها قالوا منلاقيلا فتوى
والشعب روحوا فيها
فالحق خير وابقى
هي نتيجة انك تسلم جحش بالسلطة
كل عام وانتو بطين هون مخيم نازحين
برلين قلي تعا نسهر حفلة 2020
قلتلو ما معي بنزين
مو القادة عنا سكرت معابرالنفط
وصدرت لحميميم
مشردين بتوطين الفرس بالشام
و اعمار الروس بحلب وعملوا للخرا اصنام
هيك كانت الخطة التآخي ليس له حدود
بس هي نتيجة انك تسلم جحش بالسلطة
التعليقات