ثابت عياش غلبان مسكين
كان عايز يدفع حساب بلايين
عن ناس ماتت وناس جايين
أهو مات ومصيره زي التانيين
أهو مات!
مات اللي اتحدانا
مات اللي ياما غلبنا وياما ورانا
وإحنا قتلناه .. ايوه مايهمناش
مات الصنايعي والدكتور ثابت عياش
موته لينا مصلحة..ياللا ارموه في المشرحة
موته لينا مصلحة..ياللا ارموه في المشرحة
وهاتوا غيره ناس كتير
ايوة عايزينها مدبحة
مدبحة .. مدبحة
ياللا هنونا بالتفانين
عشان نقول عليكوا شاطرين
عايزين تعرفوا إحنا بقي نبقي مين
إحنا
إحنا الشياطين... فعلا شياطين
حواليك بندور... شمال ويمين
داخلين خارجين... نازلين طالعين
تلاقينا زاحفين... تلاقينا طايرين
وبمناسبة إننا طايرين
أحب أكلمكم عن الطيارة اللي وقعت... " زُهرة "
أنا
أنا أهو قدامكم احلي برنس
قوة جبروتي خط دفنس
أنا رئيس سلطان الهواء
مش هيهمنى شوية إنس
مسيركوا تيجوني... ياننى عيوني
مصيركوا جحيمي "نو اوفنس"
عربية إسعاف... شايلاني لحد عيادته
خطة خلاص... لحياتي بس أنا رفضته
ليه؟!!
عربية إسعاف... شايلاني لحد عيادته
خطة خلاص... لحياتي بس أنا رفضته
نسمة أنتى مصيرك... هايبقي زي مصيره
نفسك في حاجة قبل مانشوف غيرك وغيره؟
أنا أستاهل اللي يجرالي... إني جيت لك المستشفى
و سِبت اللي مات بدالي... وفكرت معاك هأشَفى
إلا صحيح... هي ليه المستشفي اللي أنت رئيسها إسمها ٣٩٤٣٩؟
أنا سيدك وما أسمحلكيش انك تسألي السؤال ده لأبد الآبدين
أوعي تكلم بنتى كده تاني
أو تقولها قوليلي سيدي
ده أنا ناقشها علي كف ايدى
وماحدش هيخطفها من إيدي
ثابت! ده صوتك اللي فى وداني بيرن؟
تعالى على جحيمي... وهأخللي ودانك تطن
أنت فاكر نفسك مين .. احسن من كل دى ملايين؟
أنت بالنسبة لي هوا
أنت اللي مش عارف أنا مين .. أنا الحياة "أنا هو"
جاي يداوي المجروحين
جاي يعزي النائحين
جاي يُفك المسجونين
من قيود العبودية
جاي يبشر المساكين
جاي يشفي المنكسرين
جاي ينادي للمأسورين
بالإطلاق والحرية
ايه اللي بيحصل ده قولوا ليا؟!!
مين اللي جاي؟!! ردوا عليا
مين اللي بيفجر الأقفال وبيكسر الأبواب
مين اللي بيحطم مملكتى ويخليها تراب
مين ده اللي بيحطم الأسوار
واللي قدام مجده قوتي بتنهار
مين اللي لسة فاكركم
وعايز يخرجكم للنور ويخليكم احرار
الرب العزيز القوي الجبار
اللي ياما شاورت عليه الاسفار
٣٩ أسفار العهد القديم
يشهدوا عنى... يشاوروا عليا... ويستنوا فداء عظيم
٤ دول الأناجيل
تحكي من جيل لجيل
إزاي الحب إتجسد
لطبيعة فاسدة يجدد
لإيدين مرتخية يشدد
خللى اللي إيمانه إتهدد... يمشي علي بحر الجليل
والـ ٣٩ جلدة... على ظهرك كرابيج وسياط
دي علامة حبى ليكي... وعربون الإرتباط
يرتبط بيا أنا! بعد كل اللي عملته فيه
ده كل ذنب عملته... دق المسامير ف إيديه
مش عايزه أدفع تاني... يكفينى أرجع ليه
يكفينى أكون خدامة... وأعيش تحت رجليه
ده معايا منذ الصبا... وبيرفع عن عينى الغُمة
قدامه ذهب الوبا... عند رجليه خرجت الحُمى
رايح أجهز لك مكان مش هاتأخر راجع تاني
جسدي ودمي ليكي أمان وسط خداع العالم الفاني
رايح أجهز لك مكان مش هاتأخر راجع تاني
جسدي ودمي ليكي أمان وسط خداع العالم الفاني
وصلاتك في المخدع قوة
تسندك ليوم الرجوع
آمين تعال حبيبى عريسى
آمين تعال ياربي يسوع
رايح أجهز لك مكان مش هاتأخر راجع تاني
أمين تعال ياربي يسوع
التعليقات