أنا عايزى أدفع
والتاني يقول لي بلاش
علاج ده إيه اللي ينفع
بفيزيتا ما ندفعهاش
ويقول لك للمناعة يرفع
والفيروس قدامه يخشع
ولأشواك الموت بينزع
كل ده من غير ما تدفع
هه... دي حاجة ما أصدقهاش
أصل مافيش حاجة ببلاش
أنا عايز أدفع
وأفرح كدة بلذاذة
والفرحة أنك تسقع
وتشبر أجمد إزازة
وتدفع إشتراك الباقة
والتيك توك لقطاتة براقة
وصوري بتشهد للأناقة
طبعا ما أنا دافعة بشياكة
وده يسوى أكيد... مش مايسواش
أصل مافيش حاجة ببلاش
أنا عايزة أدفع
عايزاه غالي علاجي
مش عايزة قلبي يجزع
هأصرف وأبسط مزاجي
قراري ده... يا نفسي ليكي
هأريحك... شوفي إيه يرضيكي
دى مصلحتك... أنا هأحييكي
وماحدش فى الكون شريكي
وعمري لسه ما أنتهاش
هأدفع... مافيش حاجة ببلاش
علاج بلوشي... مايلزمناش
ندفع كتير... مايهمناااااش
و أنا عايزة أدفع
التعليقات