مساحة إعلانية
920x160
تواصل معنا
ياللي مسافر اسمع بُشري
قطرك واقف في رصيف واحد 4658
قايم الساعة سبعة وعشرة
وعلي ترصة للناس واخد
فيه ركاب تحب العِشرة
تدي وتخدم غيرها تساعد
وتلاقي غيرهم عكس الفكرة
سهل تبيع وتدين وتباعد
قطر بيجري يقول توت توت
وعمال بيشده الجرار
علي كام محطة بيفوت
و الناس تركب ليل ونهار
مهما الوقت يكون مضغوط
هو بيجري باستمرار
في معاده دايما مظبوط
عارف مرارة الإنتظار
جواه طاقة ماليها حدود
صنعة إيد مهندس شاطر
يطلع كوبري يعدي سدود
ولسواقه بيقول حاضر
طريقه صحيح مش كله ورود
بس القضبان عامله له خاطر
محطة واحدة رصيف مسدود
هي محطة الخير والماكر
التعليقات