اتعبني الهجر لكن مانزل راسي
وانته بقلبي غلاك وعارف قدرك
انته بطيبتك خذت القلب عن ناسي
لين انتهى القلب يا محبوب في امرك
قول احبك يجيني ردك القاسي
ادور رضاك وانته تعاند بهجرك
اهديك الاحساس تكسر خاطر احساسي
اقول صبرك ع قلبي مارضى صبرك
جلاسي الناس لكن وين جلداسي
موجود معهم وجالس دون ماادرك
ارحل عن الناس يملا القلب بموجاسي
يامعذب القلب قولي اليوم شو عذرك
ان كنت ناسي تذكر يوم ياناسي
الفين سبعة يناير يوم في عمرك
ماكنت راضي ولكن قلت لاباسي
ضحيت باغلى حياتي بس ماضرك
لو كنت تبغي حبيبي تكتم انفاسي
ارضى بنارك واعيش العمر في جمرك
وان كان همك حبيبك فيه لا تاسي
يكفي المحبة ولو قطرة ندى تغرق
ارجوك ارجوك تلفي في المسا الماسي
نتعانق بحب صدري في حضن صدرك
تبنى قواعد محبتنا على الساسي
واعيش مفتون يامزيون في سحرك
انا لقلبك حبيبي الجوهر الماسي
وانته هدية حبيبي حقي بكبرك
ياطيب الساس ودي رافع راسي
وارفع حبيبي معايا راسك وقدرك
التعليقات