الجرح زاد في قلب الوطن
و الظلم باقي و اجله اتمد
شايفك ضعيف اوي يا وطن
تعبت حاطط ايديك عالخد
كل ما حد يحلم ببكرة قبل
قبل ما يصحي اوام يتشد
اديني كل الكره و اقتلني
عشان محدش يكره حد
يا وطني ليه مبقيتش حاسس
و انا ماشي فيك غير بالضياع
يا وطني قولي مين اللي خانك
مين اللى خذلك مين اللى باع
ياوطني يالي انت الحمل
ماشي في سكة الضباع
قالو في الصبر مفتاح الفرج
و الصبر فيك مفتاحه ضاع
Sony Rahala :
مين اللى قال عشان نعيش لازم الحلم يموت
مين اللى نادي بأسمك و عشانه الصعب يفوت
مين كل ما تطلع خطوة يجبك 10 لورا
ليه حلاوة ايامك في لساني بقت متغيرة
عايزك تشوف الناس بليل و لما تقوم
في ناس مش فارقه معاها و ناس عشاها نوم
في ناس اتفطمو ازيه غلهم بقي بالكوم
و ناس اتشعبطت علي كتفاهم الهموم
و بعد اللى فات مالعمر حبي لوطني يبقي كذبة
بقيت لو هشكيله حاجة بحسب الف حسبة
لينا احنا يبقي سجن و لناس تانية عزبة
يا خوفي يوم شم الهوا في يبقي بنسبة
في ناس بتموت لفكرة و ناس عايشين لبكرة
و في ناس كل املهم لقمة نضيفة و سترة
في وشوش الناس امان في قلوب امال
عايزك تحس بيهم لجل نصلح اللى مال
Ali Talibab :
لا تبكي اليوم و قد ازيحت الغيوم
لا تبكي الان فاليوم يدفن الشهيد
ترد الديون لا تبكي يا وطني اري النصر قريب
فالخوف في عيونهم و الموت في قلوبهم
أعزل كنت و اسقطهم الله
Sony Rahala :
القضية مش في مبارك و القضية مش المجلس
القضية في كل واحد قافل عقله متربس
اصلها مش تورتة و كل واحد ليه نصيب
ممكن مش ممكن لاما تصيب لاما تخيب
من حقك يوم تحتج من حقك يوم تتظاهر
بس فيه مجموعة واخدة الموضوع مظاهر
لو فكرت تكلمه عالموضوع يقفل و يسك
الثورة كانت بالنسبة ليه بس عالفيس بوك
كفاية اشاعات عايزين أخلاق و شوية صبر
عايزين رضا بحياتنا دمنا راح يصبح حبر
نكتب بيه المستقبل دة وطنا لينا و منا
و اللى يشوفنا من برة هيخاف يخش مابينا
روح للوطن محتاجلك محتاج قلوب نضيفة
محتاج عيون بتضحك محتاج امال جديدة
محتاج ايادي تبني مش محتاج ايادي تهد
محتاج وقفة ولاده يرجع يضحك تاني بجد
Ali Talibab :
لا تبكي اليوم و قد ازيحت الغيوم
لا تبكي الان فاليوم يدفن الشهيد
ترد الديون لا تبكي يا من امنت ان بعد الذل شرف
بعد الظلام وجب النور
من يستهين بكيان
صمت ما استكان
و لحن الاستعباد ما عزف
التعليقات