امتحانات و مذاكرة
و دماغي ولا فاهمه
كل ما أحفظ معلومه تطير فجأة
كل اللي بحفظوا ولا ليه أي لزمه
ملازم ملازم ملازم ملازم
مش فاهم أي حاجه كلام مش متوازن
في بيني وبين المعلومات
كده خط عازل
اتجننت اتعصبت
دخلت خدت بعضي و قومت نازل
ماما وقفتني على الباب
قالتلي ارجع يا زفت للكتاب
ماما ده انا جالي التهاب
هاخد بريك شويه على اللاب
انت لحقت تذاكر يا هباب
يا ماما ده انا هيجيلي اكتئاب
طب ممكن اروح اذاكر مع صديقي في الرحاب
خش ذاكر ياض لاديك على وشك بالأوباب(النعال أو الشبشب)
دخلت الاوضه بتاعتي حاسس بإحساس فظيع
امي ساحبه اللاب
عملت نفسي ماسك كتاب بذيع
تحت الكتاب فاتح الموبايل بشوف النسوان على انستجرام
في بت موديرن اسمها مي باكراش عليها من زمان
ببص لقيتها ردت على الهايل بعتهالي بقالي كتير
فرحت قولتلها ما تيجي اعزمك على عصير
روحت قابلتها قلبي اتقبض
طلعت شبه بواب بيتنا عبدالصمد
شفتها حسيت هيجيلي مرض
صورها طلعت فوتوشوب و غلط
روحت طلعت عديت على واحد صاحبي كلمته ينزلي برا
نزل و فكرنا هنروح فين
طلعنا على القهوة زي كل مره (الكافيه)
قالي افتحلي هوت سبوت
خلصلي النت ابن الصرمه
الوقت اتاخر بقولك ايه
قوم نجيب الملازم يلا
عدينا على واحد صاحبنا
جينا نصور ملازم الدرس
قعدنا نشخبط و نكتب على الملازم أي كلام في الهلس
عشان لما اروح يشوفوا الملازم
ميشوفوش اني بكت (يهرب) من الدرس
هقلب فلوس الحصه زي الباشا كله يا باشا بثقة في النفس :sunglasses:
روحت البيت لقيت ابويا بالحزام على الباب
مش قايلك متتاخرش على 12 و الا هحبسك في الدولاب
الساعة 12 و خمسة دي خمس دقايق مش مستاهلة عذاب
داب :dancer:
لقيت نفسي في الدولاب
عدت السنه بقى فاضلي يوم واحد عالأمتحان
كالعادة بحب أاجل المذاكرة لليله الاخيره على السخان
اذاكرلي ساعه و أحس بعدها ب3ساعات أن انا تعبان (مريض)
اسيب المكتب و أعد اذاكر عالسرير لحد منام
اصحى اليوم اللي بعده على صدمة الامتحان
مش فاكر أي بتنجان :confounded:
الورقه مليانه الغام
واقف عليا مراقب زهقان (ملان)
بيشرب سجاير و عرقان
بينفخ في وشي الدخان
توتر في كل مكان
طب اطلع أي برشام
يبصلي المراقب كمان
طب استأذن اروح الحمام
لقيت مراقب ماسك حزام
ملحقش اقفش أي كلام
لقيت جنبي صديقي هشام
اناديه ميردش الجبان
الورقه تتسحب كمان
ابويا هيعمل معايا التمام
? :musical_note: ? :notes: ? :notes: :musical_note: ?
ابونا هيعمل معانا التمام
ابونا هيعمل معانا التمام
ابونا هيعمل معانا التمام
ابونا هيعمل معانا التمام
ابونا هيعمل معانا التمام
ابونا هيعمل معانا التمام
ابونا هيعمل معانا التمام
ابونا هيعمل معانا التمام
ابونا هيعمل معانا التمام
ابونا هيعمل معانا التمام
#ابونا_هيعمل_معانا_التمام :joy:
التعليقات