ماعاد يسلي خاطري المزح والجد،،
ولا هنيت بمرقدي والوساده،،
والحزن له فيني مساحات تمتد،،
تحكم مشاعرها رئاسه وقاده،،
والحزن له نيران في الصدر توقد،،
صارت حرايقها علي شبه عاده،،
يا دنية الأشجان ما طاب مرقد،،
وش فايدة دنيا بدون السعاده!!،،
يسكن خفوقي الهم من حدّ لا حد،،
والهمّ فيني من زياده فزياده،،
كنّي أسيرن بالهموم ومقيّد،،
عايش ورا القضبان عيشة نكاده،،
اللي حكم في السجن حكم المؤبد،،
ولا معه غير الدعا والعباده،،
هذي هي الأيام تحزن وتسعد،،
محدن على كيفه يعيش بمراده،،
ونا جروحي كلّها لو تعدد،،
تخجل طبيب القسم واهل العياده،،
أعيشها بيومي وتقبل مع الغد،،
والقلب مهما يشتكي ما أفاده،،
ون جيت عن حالي وتسأل وتنشد،،
الحال باحزاني ينال الشهاده،،
ونا اطلبك يا اللي لك الخلق تعبد،،
تشفي جروح الصدر فالقلب ناده،،
التعليقات