المجموعة: الفجر طلع وطلعنا معاه... وعرفنا طريقنا بعون الله
ومشينا ومشينا كتير .....وطريق الثورة كبير
أمجاد تسبق أمجاد.....وأيام كلها أعياد
وحقيقة ولا الأساطير ... وحكاية ولا الفوازير
فوازير فوازير ح يقول فزورة بفزورة ... على الثورة وكلها مشهورة
لكن خدوا بالكم لما يقولها لكم
***
حليم: جدى نشاها بايده بناها.... لكن راح فى ترابها ما جاش
فاتها بحالها ومالها لأبويا.....لكن أبويا ماورثهاش
يسكت أبويا ح يعمل ايه .... والسجان بالنار حواليه
وأنا أنا جه دورى مع الحرية.... أنا دم الثورة جرى فى ايديه
خدتها منه غصبن عنه ....وتعب جدى ماراحش بلاش
انتهى عهد الضلال .... عاد لنا المال الحلال يوم ما أممنا.....
****
المجموعة: فوازير فوازير وكمان حيقول لكو فزورةع الثورة
وكلها مشهورة لكن خدوا بالكم لما يقولها لكم
حليم: الكل بيجرى بيجرى بيجرى ويتشمر
ويهد ويبنى ويبنى ويبنى ويعمر
ديناميت يهد جبال فتافيت فتافيت .... وغبار وعرق ورجال عفاريت عفاريت
وبسرعة بيعلا البنيان .....وبيعلا مجد الإنسان
ح يلم الميه ويبدرها على الأرض البور
تطرح بساتين ومحبة ونور ومكن بيدور
ودا طبعا باين طوالى ....... وفى بالكم زى ماهو فى بالى ... عارفينه...
المجموعة: فوازير فوازيركمان حيقول لكو فزورة عالثورة
وكلها مشهورة ولكن خدوا بالكم لما يقولها لكم
حليم: فى عز عز الحياة .... شباب وباع الحياة
لأجل إنتصار الحياة ....على عدو الحياة
فى كل فرحة عيد فى كل نصر جديد.... ماتتنسيش ذكراه
خلدوا بالحب روحه من جديد..... فى دمشق فى اليمن فىبور سعيد
فى فلسطين اللى راح ترجع أكيد ... والجزاير بلد المليون.....
المجموعة: فوازير فوازير وكمان حيقول لكو فزورة ع الثورة
وكلها مشهورة لكن خدوا بالكم لما يقولها لكم
حليم: بعد سنين وسنين وسنين ...... واحنا على الظالمين صابرين
جانا بطل........ إنسان بطل
خلا اليأس حماس وأمل .......خلا الضعف كفاح وعمل
قال لليل الظلم ارجع ...قال لنور الحق اطلع ...قال لكل الدنيا تسمع
صوت الثوار ع العبودية......صوت الأحرار والحرية
صوت القومية العربية......بيهز الأرض بالطول والعرض
وبطلنا أبو الأبطال..... أسمر فى جبينه هلال
أسمر عارفاه الدنيا حد مايعرفش
الفجر طلع وطلعنا معاه ..... وعرفنا طريقنا بعون الله
ومشينا مشينا كتير......... وطريق الثورة كبير
أمجاد تسبق أمجاد ......و أيام كلها أعياد
وحقيقة ولا الأساطيروحكاية ولا الفوازير
فوازير فوازير
التعليقات