الكلمات :
اخوك مكتئب و الموضوع بوخ و بقالي سنين ع الحال ده
حد يجيبلي منوم او علمني اشرب زيك عشان اهدي
متدنيش سمك و لا عايز اتعلم صيد لو هتعايرني
لو لازمني حاجه عند الكلب اكيد هقولك هاتلي
كائن مزاجي .. وكل ساعه بـ نكد تاني
كان غالبا الدنيا وافقت كله يفرح بإستثنائي
كنت بائس و صحابي بيحبو الضحك و بتاع
كنت اتخنق افضل فـ بيتنا عشان مجيبلهمش صداع
كانت غريبه جدا ! .. كل الي احبه بيمشي
الحاجه بتحلي فـ ايدي باين كله كان باصصلي فـ عيشتي
و انا والله اغلب م الغلب .. و ابسط م البساطه
ع فكره يا جدعان الكسر بخاطر الناس مهوش شطاره
كان المشهد غامق جدا , شدو الستاير فجأه !
كان مكتوب فـ الاسكريبت بحبك و انا لقيتك ماشيه !
ايده في هبل .. فين المخرج يا اخونا
المسرحيه باظت .. البطله لبست دبله و شبكه
--------------
شوفت البجاحه .. قتلوك و ضحكو فوشك
كل واحد حضنك يا اهبل كان بيسلم السكاكين فـ ضهرك
شوفت الاذيه .. شمتهم ليه فيك
مكنش ضحك ليك يا عبيط ده كل الضحك ده كان عليك
(×2)
--------------
كنت غريب و مش من هنا فـ لقوني لوحدي
كنت زي الطفل بحبي و كنت اخاف لو عين تلمحني
و اسودت بيا .. ما تطولي ساعات لياليا
كان الي ليا كلام مكتوب خرجه عياط الات وتريه
فـ انا اسف .. كان عضم الدنيا ساعتها ناشف
و انا علي قدي و مهما اخبي العين بتقول عكس الشفايف
بتداري فـ ضلي ..عايروني مع اني
وقعت فـ وسط ناس تعبانه و حالها بيشبهني بالميللي
و ع قد ما ابان كويس ع قد ما متحطم
كنت ما اصدق انام عشان اهدي و انا مش سهل عليا اغمض
بغبائي .. متبقاليش غير البواقي
الوقت ممل مبيمشيش زي ما تقول محتاج لـ ساعاتي
كنت بشيل .. و انت عارف هم الدنيا تقيل
كات الدموع ساعتها كتير متنشفهاش مناديل
وقتها .. كان ليا قلب يحن بس انتهي
انا زي الدهب قيمتي مش هتقل مهما لوني بهت
--------------
شوفت البجاحه .. قتلوك و ضحكو فوشك
كل واحد حضنك يا اهبل كان بيسلم السكاكين فـ ضهرك
شوفت الاذيه .. شمتهم ليه فيك
مكنش ضحك ليك يا عبيط ده كل الضحك ده كان عليك
(×2)
--------------
التعليقات