كل سنة بتعدى بتطلع احلى من الى بتيجى بعدها
ناس كتير فرقتنا كدبنا و قولنا مش فارق بعدها
عندى ذكرى حلوة اتنين تلاتة بالكتير اربعة
عندى ذكريات كئيبة بس مش هعرف اعدها
نلوم نفسنا ولا نلوم الظروف
نفتكر فا نحس بندم نتمنى فا نحس بخوف
فا الاحسن منفتكروش الاحسن متمنوش
الى فات مش هيرجع و الى جى انا مضمنوش
و اصلا مش فارقة كلها ايام هتعدى
والحلو بسرعة بيمشى و الوحش بيعد عندى
مش دراما بس الدنيا دى مش وردى
لما وقعت انا كنت لوحدى بعدها قمت بمجهود فردى
اسكت و متكلمش الفكر يجيب ويودى
اتكلم متفهمش طب ليه انا هعد اهرى
خلصت و لازم افوق مش هعد اسب فى ظهرى
مش هستناها تروق اصلا ادتها ضهرى
كل الى فات اثبات ان الحياة هتمر
و ان الوجع لو بات بيقل منه المر
كل الى كان بيضر دلوقتى مش حاسه
حتى الى كان بيسر دلوقتى مش عايزه
كل الى فات اثبات ان الحياة هتمر
و ان الوجع لو بات بيقل منه المر
كل الى كان بيضر دلوقتى مش حاسه
حتى الى كان بيسر دلوقتى مش عايزه
اشتريت خاطركو قولت ارضيكو و نسيت خاطرى
مسكت فيكو مش من ضعفى ده من اصلى
معرفتكو مش قدرى انى اعرفكو ده كان غلطى
عينى الحلوة كانت بتحلى فيكو العيب على نظرى
انتو مش حاجة تملى عينى و ممكن يملى عينى غيركو
مبيملاش مكانى غيرى و مفيش غيرى هيملى عينكو
بتوع كلام و تحبو الكدب زى عينكو
مش شارى منكو الكلام ببلاش زى قيمتكو
مش شايل منكو ولا شاغلنى انى اشيلكو
ملكوش فى الدوغرى تحبو تلفو زى ديلكو
فا زى المثل مفيش امل فيكو انكو تتعدلو
كل الى فات علمنى انى مبقاش على حد
الى فات فهمنى انها مش واقفة على حد
الىى فات مهدنيش لسه واقف زى السد
الى فات اتنسى الى فات هو الى اتهد
كل الى فات اثبات ان الحياة هتمر
و ان الوجع لو بات بيقل منه المر
كل الى كان بيضر دلوقتى مش حاسه
حتى الى كان بيسر دلوقتى مش عايزه
كل الى فات اثبات ان الحياة هتمر
و ان الوجع لو بات بيقل منه المر
كل الى كان بيضر دلوقتى مش حاسه
حتى الى كان بيسر دلوقتى مش عايزه
التعليقات