"لعبتي بإحساسي لعبة
وتعلّق قلبك بقلبي
سرقتيلي عقلي وهربتي
وحبك لا لا ما بخبي
بحلفلك إنك حياتي
خدي قلبي وروحي عادي
من هلأ حتى مماتي
حبك لا لا مش عادي
حبك لا لا مش عادي
أحلى شي بهالدني
يدخل قلبك حبك جديد
وتنبض دقات قلبك
وينتعش الوريد
ولما حب انا بنت
رح اخلقلا أنا الدني كلا
بالحب ما عندي رحمة
وكل لحظة بستغلا
يلا اليوم خبروا أهلها
إنّي جايي أخطبها
وإذا ما قبلوا فيّي
شكلي جايي إخطفا
ولما أنا بعشق بنت
ما بفكر غير آخدها
ولو بيفكروا يقبروا منها
هالأرض رح أخربها
فتتي ع قلبي بطريقة
ضحكتيلي ضحكة بريئة
وبنظرة حلوة وجريئة
خليتي حبك حقيقة
خليكي مقابيلي ضلّي
غلّي جوا بقلبي غلّي
أوعا مرة مني تفلي
وحياتك قلبي بتشلي
وحياتك قلبي بتشلي
أول ما اسمع صوتك
بحس روحي بتختفي
ومنطير أنا وإنتي
والكون كلو بينطفي
وحتى الدوا منك انتي
الجروح كلها بتنشفي
وحياة عيونك انتي
من حبك ما رح اكتفي
عيشي فيني كوني فيني
وما بتسوى الدنيي بلاكي
بدفع أنا عمري كلو
حتى إكسب رضاكي
ولك يقبرني كل شي فيكي
وكل صباحك ومساكي
معك بتحلى وحدك أحلى
والاحلى كلها معاكي
ما في أحلى من الحياة
لما تكون كلها حدّك
وإغفى أنا وإنتي
ويلمس خدي ع خدك
بدي خبيكي برمشي
وهالطريق سوا نمشي
بدي سميكي ملاكي
ولك يقبرني اللي سواكي
لعبتي بإحساسي لعبة
وتعلّق قلبك بقلبي
سرقتيلي عقلي وهربتي
وحبك لا لا ما بخبي
بحلفلك إنك حياتي
خدي قلبي وروحي عادي
من هلأ حتى مماتي
حبك لا لا مش عادي
حبك لا لا مش عادي"
التعليقات