مساحة إعلانية
920x160
تواصل معنا
كل مرّة بتوقع نجمة
أو بطفي شمعة عيدي
بتمنّى أمنية قريبة
بس مرات بحسّها بعيدة
بتمنّى إبن صفي
يجي معنا ع الرحلة
ويا ريت نربي كلب
بتمنى البابا يسمحلي
بتمنّى بنت جيراننا
تصير شاطرة بالحساب
بتمنّى لمّا أكبر
أصير أقدر أقرا كتاب
بتمنّى إنه الماما
تبطّل تروّح تعبانة
وتقعد تلعب معي
أو تقعد تسمع غناني
بتمنّى أختي تبطّل
بالشتا تخاف من الريح
أو يفتحولنا جنينة
نوقّف بالدور ع المراجيح
بتمنّى لما أضحك
ما حدا يقلّي وقح
بتمنى أسهر مرّة أشوف
كيف بطلع الصبح
التعليقات