بدأت اليوم وكالعادة
بفنجان قهوتي السادة
نزلت يوميها متضايق ومفطرتش
بمُر بفترة مش سهلة
بقالي كتير ماليش شُغلة
غير إني بقيت خلاص مُحبَط ومحاولتش
قابلت ساعتها بنوتة
وبتبيع ورد مبسوطة
قالتلي ما تاخد الوردة دي وتفرفش
لقيت فرحتها ف عيونها
جمالها كان ف إصرارها
وقادرة تواجه الدنيا ومتملش
برغم إنه مكانش ف إيدها غير فعلاً جنيه واحد
لقيت ضحكتها بتنور وتدي طاقة إيجابية
قالتلي يا عمو ما تحاول وحارب ف الحياه عاند
بلاش تكشيرة من فضلك ويأس يبوظ الدنيا
قالتلي من سنين فاتوا
أبوها وأمها ماتوا
وقَوِت نفسها بروحها عشان ماتخافش
وزغم إن الظروف قاسية
تملي نفسها راضية
وشايفة الحلو ف الدنيا ومبتيأسش
مجرد طفلة مش أكتر
وأنا اللي بعمري مِستهتر
مقضي حياتي ف الشكوي و ف المعلش
وإيه حالي أنا ف حالها
أنا إتعلمت بجمالها
أكمل وأرضى وأستحمل ومستسلمش
وخدت الوردة من إيدها
ضحكتلها وقولتلها
ياريت لو يبقي فيه زيك كده ف الحياة 100
التعليقات